itna malum hai!

Parveen Shakir

itna malum hai!

Parveen Shakir

MORE BY Parveen Shakir

    apne bistar pe bahut der se maiñ nīm-darāz

    sochtī thī ki vo is vaqt kahāñ par hogā

    maiñ yahāñ huuñ magar us kūcha-e-rañg-o-bū meñ

    roz tarah se vo aaj bhī aayā hogā

    aur jab us ne vahāñ mujh ko na paayā hogā!?

    aap ko ilm hai vo aaj nahīñ aa.ī haiñ?

    merī har dost se us ne yahī pūchhā hogā

    kyuuñ nahīñ aa.ī vo kyā baat huī hai āḳhir

    ḳhud se is baat pe sau baar vo uljhā hogā

    kal vo aa.egī to maiñ us se nahīñ bolūñgā

    aap aap ka.ī baar vo rūThā hogā

    vo nahīñ hai to bulandī safar kitnā kaThin

    sīḌhiyāñ chaḌhte hue us ne ye sochā hogā

    rāhdārī meñ hare lawn meñ phūloñ ke qarīb

    us ne har samt mujhe aan ke DhūñDā hogā

    naam bhūle se jo merā kahīñ aayā hogā

    ġhair-mahsūs tarīqe se vo chauñkā hogā

    ek jumle ko ka.ī baar sunāyā hogā

    baat karte hue sau baar vo bhūlā hogā

    ye jo laḌkī na.ī aa.ī hai kahīñ vo to nahīñ

    us ne har chehra yahī soch ke dekhā hogā

    jān-e-mahfil hai magar aaj faqat mere baġhair

    haa.e kis darja vahī bazm meñ tanhā hogā

    kabhī sannāToñ se vahshat jo huī hogī use

    us ne be-sāḳhta phir mujh ko pukārā hogā

    chalte chalte koī mānūs aahaT kar

    dostoñ ko bhī kis uzr se rokā hogā

    yaad kar ke mujhe nam ho ga.ī hoñgī palkeñ

    ''āñkh meñ paḌ gayā kuchh'' kah ke ye Taalā hogā

    aur ghabrā ke kitāboñ meñ jo hogī panāh

    har satar meñ mirā chehra ubhar aayā hogā

    jab milī hogī use merī alālat ḳhabar

    us ne āhista se dīvār ko thāmā hogā

    soch kar ye ki bahal jaa.e pareshānī-e-dil

    yūñhī be-vaj.h kisī shaḳhs ko rokā hogā!

    ittifāqan mujhe us shaam mirī dost milī

    maiñ ne pūchhā ki suno aa.e the vo? kaise the?

    mujh ko pūchhā thā mujhe DhūñDā thā chāroñ jānib?

    us ne ik lamhe ko dekhā mujhe aur phir hañs

    is hañsī meñ to vo talḳhī thī ki is se aage

    kyā kahā us ne mujhe yaad nahīñ hai lekin

    itnā ma.alūm hai ḳhvāboñ bharam TuuT gayā!

    apne bistar pe bahut der se main nim-daraaz

    sochti thi ki wo is waqt kahan par hoga

    main yahan hun magar us kucha-e-rang-o-bu mein

    roz ki tarah se wo aaj bhi aaya hoga

    aur jab us ne wahan mujh ko na paya hoga!?

    aap ko ilm hai wo aaj nahin aai hain?

    meri har dost se us ne yahi puchha hoga

    kyun nahin aai wo kya baat hui hai aaKHir

    KHud se is baat pe sau bar wo uljha hoga

    kal wo aaegi to main us se nahin bolunga

    aap hi aap kai bar wo ruTha hoga

    wo nahin hai to bulandi ka safar kitna kaThin

    siDhiyan chaDhte hue us ne ye socha hoga

    rahdari mein hare lawn mein phulon ke qarib

    us ne har samt mujhe aan ke DhunDa hoga

    nam bhule se jo mera kahin aaya hoga

    ghair-mahsus tariqe se wo chaunka hoga

    ek jumle ko kai bar sunaya hoga

    baat karte hue sau bar wo bhula hoga

    ye jo laDki nai aai hai kahin wo to nahin

    us ne har chehra yahi soch ke dekha hoga

    jaan-e-mahfil hai magar aaj faqat mere baghair

    hae kis darja wahi bazm mein tanha hoga

    kabhi sannaTon se wahshat jo hui hogi use

    us ne be-saKHta phir mujh ko pukara hoga

    chalte chalte koi manus si aahaT pa kar

    doston ko bhi kis uzr se roka hoga

    yaad kar ke mujhe nam ho gai hongi palken

    aankh mein paD gaya kuchh kah ke ye Tala hoga

    aur ghabra ke kitabon mein jo li hogi panah

    har satar mein mera chehra ubhar aaya hoga

    jab mili hogi use meri alalat ki KHabar

    us ne aahista se diwar ko thama hoga

    soch kar ye ki bahal jae pareshani-e-dil

    yunhi be-wajh kisi shaKHs ko roka hoga!

    ittifaqan mujhe us sham meri dost mili

    main ne puchha ki suno aae the wo? kaise the?

    mujh ko puchha tha mujhe DhunDa tha chaaron jaanib?

    us ne ek lamhe ko dekha mujhe aur phir hans di

    is hansi mein to wo talKHi thi ki is se aage

    kya kaha us ne mujhe yaad nahin hai lekin

    itna malum hai KHwabon ka bharam TuT gaya!

    Videos
    This video is playing from YouTube

    Videos
    This video is playing from YouTube

    Unknown

    Unknown

    Source:

    • Book: kulliyaat-e-maahe tamaam(khushbo) (Pg. 64)

    Tagged Under

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Added to your favorites

    Removed from your favorites