aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

ittifaq

Balraj Komal

ittifaq

Balraj Komal

MORE BYBalraj Komal

    tamām log ibtidā meñ

    ek dūsre ke sāmne

    hujūm meñ dikhā.ī dene vaale kuchh nishāñ

    mahz ajnabī

    phir yakā-yak mo.ajaza tulū

    aur ek rū-e-āftāb

    bādaloñ ke paar se nikal ke rū-ba-rū

    ḳhirām-e-nūr kū-ba-kū

    purānā shahr

    vaqt-e-shām

    phailtā umaDtā ajnabī hujūm

    hāo-hū ke darmiyān mo.ajaza huā

    aur ek muztarib hasīn rū-e-dil-gudāz

    mere jism o jaañ meñ dekhte dekhte samā gayā

    vo raushnī thā mauj-e-āftāb thā

    bas ik nazar meñ jaise maiñ ne us ko liyā

    maiñ dam-ba-ḳhud rah gayā

    ye hādsa thā vāqi.a thā kaisā ittifāq thā

    tulū-e-nūr ke jilau meñ

    ik tavīl pur-ḳhatar siyāh raat

    shahr meñ utar ga.ī

    tamam log ibtida mein

    ek dusre ke samne

    hujum mein dikhai dene wale kuchh nishan

    mahz ajnabi

    phir yaka-yak moajaza tulu ka

    aur ek ru-e-aftab

    baadalon ke par se nikal ke ru-ba-ru

    KHiram-e-nur ku-ba-ku

    purana shahr

    waqt-e-sham

    phailta umaDta ajnabi hujum

    hao-hu ke darmiyan moajaza hua

    aur ek muztarib hasin ru-e-dil-gudaz

    mere jism o jaan mein dekhte hi dekhte sama gaya

    wo raushni tha mauj-e-aftab tha

    bas ek nazar mein jaise main ne us ko pa liya

    main dam-ba-KHud sa rah gaya

    ye hadsa tha waqia tha kaisa ittifaq tha

    tulu-e-nur ke jilau mein

    ek tawil pur-KHatar siyah raat

    shahr mein utar gai

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now