izhaar

mujhe aur kuchh nahīñ kahnā

jo kahnā thā vo kah Daalā

jo sahnā thā vo sah Daalā

tumhāre shahar meñ mujh ko

milī hai dard kī daulat

chalo jo bhī yahāñ paayā

tumhārī chaah meñ paayā

qasam le lo ki jīvan meñ

koī ḳhvāhish na thī merī

koī hājat na thī merī

bas in nainoñ ko dekhā to

na jaane kyā huā mujh ko

achānak be-ḳhudī meñ yuuñ

khaḌe ho kar chaurāhe par

hujūm-e-zindagī meñ aaj

mirī jaañ kah diyā maiñ ne

mujhe tum se mohabbat hai

mujhe tum se ye kahnā thā

jo kahnā thā vo kah Daalā

mujhe aur kuchh nahīñ kahnā

mujhe aur kuchh nahin kahna

jo kahna tha wo kah Dala

jo sahna tha wo sah Dala

tumhaare shahar mein mujh ko

mili hai dard ki daulat

chalo jo bhi yahan paya

tumhaari chah mein paya

qasam le lo ki jiwan mein

koi KHwahish na thi meri

koi hajat na thi meri

bas in nainon ko dekha to

na jaane kya hua mujh ko

achanak be-KHudi mein yun

khaDe ho kar chaurahe par

hujum-e-zindagi mein aaj

meri jaan kah diya main ne

mujhe tum se mohabbat hai

mujhe tum se ye kahna tha

jo kahna tha wo kah Dala

mujhe aur kuchh nahin kahna