izhaar

MORE BYNoon Meem Rashid

    kaise maiñ bhī bhuul jā.ūñ

    zindagī se apnā rabt-e-avvalīñ

    ek duur uftāda qarye ke qarīb

    ik junūñ afroz shaam

    nahr par shīsham ke ashjār-e-buland

    chāñdnī meñ in shāḳhoñ ke tale

    tere paimān-e-mohabbat vo iz.hār-e-tavīl

    ruuh iz.hār the bose mire

    jaise merī shā.irī merā amal

    ruuh iz.hār kaise bhuul jā.ūñ

    kaise kar Dālūñ maiñ jism-o-rūh ko

    aaj be-āhañg-o-nūr

    ki thī us vaqt gum-nāmī ke ġhāroñ meñ nihāñ

    mere hoñToñ ne tujh ko najāt

    apnī rāhoñ par uThā laayā tujhe

    zinda-e-jāved kar Daalā tujhe

    jaise koī but-tarāsh

    apne but ko zindagī ke nuur se tābāñ kare

    is ko barg-o-bār dene ke liye

    apne jism-o-rūh ko uryāñ kare

    mere bose ruuh iz.hār the

    ruuh jo iz.hār se zinda-o-tābinda hai

    hai isī iz.hār se hāsil mujhe qurb-e-hayāt

    ruuh iz.hār kaise bhuul jā.ūñ

    kaise main bhi bhul jaun

    zindagi se apna rabt-e-awwalin

    ek dur uftada qarye ke qarib

    ek junun afroz sham

    nahr par shisham ke ashjar-e-buland

    chandni mein in ki shaKHon ke tale

    tere paiman-e-mohabbat ka wo izhaar-e-tawil

    ruh ka izhaar the bose mere

    jaise meri shairi mera amal

    ruh ka izhaar kaise bhul jaun

    kaise kar Dalun main jism-o-ruh ko

    aaj be-ahang-o-nur

    tu ki thi us waqt gum-nami ke ghaaron mein nihan

    mere honTon hi ne di tujh ko najat

    apni rahon par uTha laya tujhe

    zinda-e-jawed kar Dala tujhe

    jaise koi but-tarash

    apne but ko zindagi ke nur se taban kare

    is ko barg-o-bar dene ke liye

    apne jism-o-ruh ko uryan kare

    mere bose ruh ka izhaar the

    ruh jo izhaar hi se zinda-o-tabinda hai

    hai isi izhaar se hasil mujhe qurb-e-hayat

    ruh ka izhaar kaise bhul jaun

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY