iztirab

jahāñ meñ iztirāb hai

nahīñ nahīñ

jahāñ hī iztirāb hai

hazār-hā kavākib-o-nujūm-hā-e-kahkashāñ se

atomoñ kī kokh tak

madār-dar-madār har vajūd be-qarār hai

ye mehr-o-māh o mushtarī se har electron tak

ye jhuum jhuum ghūmne meñ jis tarah kā raqs hai

mujhe samajh meñ aa gayā

jahān terā aks hai

vo aks jo jagah jagah qadam qadam rythm pe hai

jahān ain sur meñ hai jahān ain sum pe hai

jahāñ tarannumoñ kī list meñ se intiḳhāb hai

jo tujh hasīñ dimāġh ke hasīn lā-shu.ūr meñ banā ho

aisā ḳhvāb hai

jahān iztirāb hai

mujhe samajh meñ aa gayā hai ye jahāñ

ḳhalā makāñ zamāñ ke chand taar se banā huā sitār hai

use kaho kisī tarah sitār chheḌtī rahe

use kaho ki thoḌī der aur boltī rahe

jahan mein iztirab hai

nahin nahin

jahan hi iztirab hai

hazar-ha kawakib-o-nujum-ha-e-kahkashan se

atomon ki kokh tak

madar-dar-madar har wajud be-qarar hai

ye mehr-o-mah o mushtari se har electron tak

ye jhum jhum ghumne mein jis tarah ka raqs hai

mujhe samajh mein aa gaya

jahan tera aks hai

wo aks jo jagah jagah qadam qadam rythm pe hai

jahan ain sur mein hai jahan ain sum pe hai

jahan tarannumon ki list mein se intiKHab hai

jo tujh hasin dimagh ke hasin la-shuur mein bana ho

aisa KHwab hai

jahan iztirab hai

mujhe samajh mein aa gaya hai ye jahan

KHala makan zaman ke chand tar se bana hua sitar hai

use kaho kisi tarah sitar chheDti rahe

use kaho ki thoDi der aur bolti rahe