ja maine tujhe aazad kiya

jā maiñ ne tujhe āzād kiyā

jab merī mohabbat kī terī

nazroñ meñ koī vaq.at hī nahīñ

iz.hār kā mere tere liye

ma.anī hī nahīñ vaq.at hī nahīñ

jab merī hifāzat ne tujh ko

is darja hai bezār kiyā

ki tū ne hī merī chāhat ko

rusvā yuuñ sar-e-bāzār kiyā

kyoñ be-qadre kī ḳhātir yuuñ

ye vaqt apnā barbād kiyā

jā maiñ ne tujhe āzād kiyā

motī ke khilā.e the daane

maḳhmal meñ tujhe malbūs kiyā

pairoñ meñ tire ye dil thā mirā

koī ashk tirā girne na diyā

le maiñ ne mohabbat ke apne

is pinjre kā dar khol diyā

ab tujh ko ijāzat hai is kī

parvāz jahāñ kar bol diyā

jaane pe tere sunñā ham ne

na shikva na fariyād kiyā

jā maiñ ne tujhe āzād kiyā

ab par tere kamzor nahīñ

mujh meñ sunñe kā zor nahīñ

ki qaid kiyā maiñ ne tujh ko

ye sun kar dil bezār huā

ehsās huā hai shiddat se

ġhalatī thī mirī jo pyaar huā

jo chāhe jahāñ chāhe jā kar

tū apnā baserā ab kar le

be-kār hī apne aap ko yuuñ

chāhat meñ terī barbād kiyā

jā maiñ ne tujhe āzād kiyā

jā maiñ ne tujhe āzād kiyā

ja main ne tujhe aazad kiya

jab meri mohabbat ki teri

nazron mein koi waqat hi nahin

izhaar ka mere tere liye

mani hi nahin waqat hi nahin

jab meri hifazat ne tujh ko

is darja hai bezar kiya

ki tu ne hi meri chahat ko

ruswa yun sar-e-bazar kiya

kyon be-qadre ki KHatir yun

ye waqt apna barbaad kiya

ja main ne tujhe aazad kiya

moti ke khilae the dane

maKHmal mein tujhe malbus kiya

pairon mein tere ye dil tha mera

koi ashk tera girne na diya

le main ne mohabbat ke apne

is pinjre ka dar khol diya

ab tujh ko ijazat hai is ki

parwaz jahan kar bol diya

jaane pe tere sunna hum ne

na shikwa na fariyaad kiya

ja main ne tujhe aazad kiya

ab par tere kamzor nahin

mujh mein sunne ka zor nahin

ki qaid kiya main ne tujh ko

ye sun kar dil bezar hua

ehsas hua hai shiddat se

ghalati thi meri jo pyar hua

jo chahe jahan chahe ja kar

tu apna basera ab kar le

be-kar hi apne aap ko yun

chahat mein teri barbaad kiya

ja main ne tujhe aazad kiya

ja main ne tujhe aazad kiya