jaen kahan hum

Jameel Mazhari

jaen kahan hum

Jameel Mazhari

MORE BYJameel Mazhari

    tabī.at jo andar se jhunjhlā rahī hai

    to bāhar se āvāz ye aa rahī hai

    ki ai fāzil-e-dars-gāh-e-himāqat

    hijābāt-e-dānish uThā kar bhī dekho

    sharāfat ke pīchhe jigar ho gayā ḳhuuñ

    sharāfat se pīchhā chhuḌā kar bhī dekho

    azal se mohabbat ḳhudī hai zindāñ

    ab is se zarā bāhar aa kar bhī dekho

    muravvat ne pahnā.ī haiñ beḌiyāñ jo

    zarā un lohā ghulā kar bhī dekho

    tasavvur vaadī meñ bhaTkoge kab tak

    kabhī shahr-e-imkāñ meñ kar bhī dekho

    ġharaz 'maz.harī' is dayār-e-junūñ meñ

    milā, kuchh na khone se kar bhī dekho

    sunā mashvara terā ai saut-e-ġhaibī

    zalālat sarhad meñ aa kar bhī dekhā

    rizālat gardan meñ bāñheñ bhī Dālīñ

    sharāfat se pīchhā chhuḌā kar bhī dekhā

    hamiyyat ghoñTā galā rafta rafta

    mohabbat ko phāñsī chaḌhā kar bhī dekhā

    kaf-e-mor se us luqma bhī chhīnā

    haq-e-ahl-e-ḳhidmat churā kar bhī dekhā

    shu.ūr o ḳhirad ko ġhurūr o hasad ko

    sulā kar bhī dekhā jagā kar bhī

    phire kū-ba-kū aql rahbarī meñ

    ġharaz ye ki kho kar bhii, kar bhī dekhā

    na khone se hāsil, na paane se hāsil

    jise suud kahte haiñ vo bhī ziyāñ hai

    yahī bas ki taqdīr-e-aql o junūñ hai

    yahī ḳhisht-e-ta.amīr-e-kaun-o-makāñ hai

    mohabbat jahannam hai, nafrat jahannam

    jidhar jaa.eñ ik aag shola-fishāñ hai

    dayār-e-vafā dayār-e-havas ho

    na rāhat yahāñ hai na rāhat vahāñ hai

    sharāfat bhī ġham-gīñ rizālat bhī ġham-gīñ

    bas ab muñh na khulvā ḳhudā darmiyāñ hai

    samak se samā tak tapish tapish hai

    fazā se ḳhalā tak fuġhāñ fuġhāñ hai

    ḳhudī paañv pakḌe hai jaa.eñ kahāñ ham

    tasavvur jannat banā.eñ kahāñ ham

    tabiat jo andar se jhunjhla rahi hai

    to bahar se aawaz ye aa rahi hai

    ki ai fazil-e-dars-gah-e-himaqat

    hijabaat-e-danish uTha kar bhi dekho

    sharafat ke pichhe jigar ho gaya KHun

    sharafat se pichha chhuDa kar bhi dekho

    azal se mohabbat KHudi ka hai zindan

    ab is se zara bahar aa kar bhi dekho

    murawwat ne pahnai hain beDiyan jo

    zara un ka loha ghula kar bhi dekho

    tasawwur ki wadi mein bhaTkoge kab tak

    kabhi shahr-e-imkan mein ja kar bhi dekho

    gharaz 'mazhari' is dayar-e-junun mein

    mila, kuchh na khone se pa kar bhi dekho

    suna mashwara tera ai saut-e-ghaibi

    zalalat ki sarhad mein aa kar bhi dekha

    rizalat ki gardan mein banhen bhi Dalin

    sharafat se pichha chhuDa kar bhi dekha

    hamiyyat ka ghonTa gala rafta rafta

    mohabbat ko phansi chaDha kar bhi dekha

    kaf-e-mor se us ka luqma bhi chhina

    haq-e-ahl-e-KHidmat chura kar bhi dekha

    shuur o KHirad ko ghurur o hasad ko

    sula kar bhi dekha jaga kar bhi

    phire ku-ba-ku aql ki rahbari mein

    gharaz ye ki kho kar bhi, pa kar bhi dekha

    na khone se hasil, na pane se hasil

    jise sud kahte hain wo bhi ziyan hai

    yahi bas ki taqdir-e-aql o junun hai

    yahi KHisht-e-tamir-e-kaun-o-makan hai

    mohabbat jahannam hai, nafrat jahannam

    jidhar jaen ek aag shola-fishan hai

    dayar-e-wafa ya dayar-e-hawas ho

    na rahat yahan hai na rahat wahan hai

    sharafat bhi gham-gin rizalat bhi gham-gin

    bas ab munh na khulwa KHuda darmiyan hai

    samak se sama tak tapish hi tapish hai

    faza se KHala tak fughan hi fughan hai

    KHudi panw pakDe hai jaen kahan hum

    tasawwur ki jannat banaen kahan hum

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY