jagir

MORE BYSahir Ludhianvi

    phir usī vādi-e-shādāb meñ lauT aayā huuñ

    jis meñ pinhāñ mire ḳhvāboñ tarab-gāheñ haiñ

    mere ahbāb ke sāmān-e-ta.ayyush ke liye

    shoḳh siine haiñ javāñ jism hasīñ bāñheñ haiñ

    sabz khetoñ meñ ye dubkī huī doshīzā.eñ

    in shiryānoñ meñ kis kis lahū jaarī hai

    kis meñ jur.at hai ki is raaz tash.hīr kare

    sab ke lab par mirī haibat fusūñ taarī hai

    haa.e vo garm o dil-āvez ubalte siine

    jin se ham satvat-e-ābā sila lete haiñ

    jaane un marmarīñ jismoñ ko ye mariyal dahqāñ

    kaise in tiira gharoñdoñ meñ janam dete haiñ

    ye lahakte hue paude ye damakte hue khet

    pahle ajdād jāgīr the ab mere haiñ

    ye charā-gāh ye revaḌ ye maveshī ye kisān

    sab ke sab mere haiñ sab mere haiñ sab mere haiñ

    in mehnat bhī mirī hāsil-e-mehnat bhī mirā

    in ke baazū bhī mire quvvat-e-bāzū bhī mirī

    maiñ ḳhudāvand huuñ us vus.at-e-be-pāyāñ

    mauj-e-āriz bhī mirī nik.hat-e-gesū bhī mirī

    maiñ un ajdād beTā huuñ jinhoñ ne paiham

    ajnabī qaum ke saa.e himāyat hai

    uzr sā.at-e-nāpāk se le kar ab tak

    har kaḌe vaqt meñ sarkār ḳhidmat hai

    ḳhaak par reñgne vaale ye fasurda Dhāñche

    in nazreñ kabhī talvār banī haiñ na banīñ

    in ġhairat pe har ik haath jhapaT saktā hai

    in ke abrū kamāneñ na tanī haiñ na tanīñ

    haa.e ye shaam ye jharne ye shafaq laalī

    maiñ in āsūda fazāoñ meñ zarā jhuum na luuñ

    vo dabe paañv idhar kaun chalī jaatī hai

    baḌh ke us shoḳh ke tarshe hue lab chuum na luuñ

    phir usi wadi-e-shadab mein lauT aaya hun

    jis mein pinhan mere KHwabon ki tarab-gahen hain

    mere ahbab ke saman-e-tayyush ke liye

    shoKH sine hain jawan jism hasin banhen hain

    sabz kheton mein ye dubki hui doshizaen

    in ki shiryanon mein kis kis ka lahu jari hai

    kis mein jurat hai ki is raaz ki tashhir kare

    sab ke lab par meri haibat ka fusun tari hai

    hae wo garm o dil-awez ubalte sine

    jin se hum satwat-e-aba ka sila lete hain

    jaane un marmarin jismon ko ye mariyal dahqan

    kaise in tera gharondon mein janam dete hain

    ye lahakte hue paude ye damakte hue khet

    pahle ajdad ki jagir the ab mere hain

    ye chara-gah ye rewaD ye maweshi ye kisan

    sab ke sab mere hain sab mere hain sab mere hain

    in ki mehnat bhi meri hasil-e-mehnat bhi mera

    in ke bazu bhi mere quwwat-e-bazu bhi meri

    main KHudawand hun us wusat-e-be-payan ka

    mauj-e-ariz bhi meri nikhat-e-gesu bhi meri

    main un ajdad ka beTa hun jinhon ne paiham

    ajnabi qaum ke sae ki himayat ki hai

    uzr ki saat-e-napak se le kar ab tak

    har kaDe waqt mein sarkar ki KHidmat ki hai

    KHak par rengne wale ye fasurda Dhanche

    in ki nazren kabhi talwar bani hain na banin

    in ki ghairat pe har ek hath jhapaT sakta hai

    in ke abru ki kamanen na tani hain na tanin

    hae ye sham ye jharne ye shafaq ki lali

    main in aasuda fazaon mein zara jhum na lun

    wo dabe panw idhar kaun chali jati hai

    baDh ke us shoKH ke tarshe hue lab chum na lun

    Source :
    • Book : Kulliyat-e-Sahir (Pg. 115)

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 2-3-4 December 2022 - Major Dhyan Chand National Stadium, Near India Gate, New Delhi

    GET YOUR FREE PASS
    Speak Now