aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

jagti aankhon ke KHwab

Aabid Jafri

jagti aankhon ke KHwab

Aabid Jafri

MORE BYAabid Jafri

    maiñ kyā likkhūñ

    tumhāre vāste

    ai nīm-jān-o-soḳhta-tan

    vādī-e-qatl-e-amāñ ke bāsiyo

    maiñ kyā likkhūñ

    koī nauha tumhāre rū-ba-rū

    sharminda-e-tāsīr na hogā

    koī harf-e-hikāyat

    sabr tasvīr na hogā

    yahī to jāgtī āñkhoñ se tum ne ḳhvāb dekhe the

    ki is banjar zamīñ par apne ḳhuuñ fasl Tāñkoge

    har ik manzar meñ amn-o-āshtī ke rang phailā kar

    har ik chehre ko nūr-e-itmīnān-e-qalb bāñToge

    isī banjar zamīñ pe ḳhāk-o-ḳhūñ meñ aaj ġhaltāñ ho

    to phir kyoñ sar-burīda shāḳh mānind be-jāñ ho

    ye honā thā to kyoñ phir is ke ho jaane pe hairāñ ho

    mire logo

    tumhārī band āñkheñ

    jāgtī āñkhoñ ke ḳhvāboñ

    tumheñ ta.abīr detī haiñ

    isī banjar zamīñ meñ

    qabr jāgīr detī haiñ

    main kya likkhun

    tumhaare waste

    ai nim-jaan-o-soKHta-tan

    wadi-e-qatl-e-aman ke basiyo

    main kya likkhun

    koi nauha tumhaare ru-ba-ru

    sharminda-e-tasir na hoga

    koi harf-e-hikayat

    sabr ki taswir na hoga

    yahi to jagti aankhon se tum ne KHwab dekhe the

    ki is banjar zamin par apne KHun ki fasl Tankoge

    har ek manzar mein amn-o-ashti ke rang phaila kar

    har ek chehre ko nur-e-itminan-e-qalb banToge

    isi banjar zamin pe KHak-o-KHun mein aaj ghaltan ho

    to phir kyon sar-burida shaKH ki manind be-jaan ho

    ye hona tha to kyon phir is ke ho jaane pe hairan ho

    mere logo

    tumhaari band aankhen

    jagti aankhon ke KHwabon ki

    tumhein tabir deti hain

    isi banjar zamin mein

    qabr ki jagir deti hain

    Source:

    Sapne Jagti Aankhon Ke (Pg. 111)

    • Author: Aabid Jafri
      • Publisher: Institute of Third World Arts & Literature, Britannia
      • Year of Publication: 1990
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now