jaan pyari hai

yakā-yak uḌte uḌte

ajnabī ma.asūm sūrat ik parinda

balcony meñ rakhe pinjre ke paas aa kar

mirī mainā se sargoshī ke lahje meñ

lagā kahne

sunā tum ne

bidesī dostoñ ne tum ko ye paiġhām bhejā hai

hameñ tum se mohabbat hai

mohabbat hai hameñ sar-sabz gahrī vādiyoñ se

kohsāroñ ābshāroñ se

mohabbat hai hameñ un ham-safīroñ se

uḳhuvvat ke safīroñ se

ḳhulūs-o-mehr kī garmī liye aabī zaḳhīroñ se

ham apne des ke yaḳh-basta mausam meñ

hazāroñ miil tai kar ke

tumhāre paas aate the

ḳhushī se gungunāte raqs karte chahchahāte the

bilā-ḳhauf-o-ḳhatar uḌte uḌāte the

magar ab ham ko apnī jaan pyārī hai

yaka-yak uDte uDte

ajnabi masum surat ek parinda

balcony mein rakhe pinjre ke pas aa kar

meri maina se sargoshi ke lahje mein

laga kahne

suna tum ne

bidesi doston ne tum ko ye paigham bheja hai

hamein tum se mohabbat hai

mohabbat hai hamein sar-sabz gahri wadiyon se

kohsaron aabshaaron se

mohabbat hai hamein un ham-safiron se

uKHuwwat ke safiron se

KHulus-o-mehr ki garmi liye aabi zaKHiron se

hum apne des ke yaKH-basta mausam mein

hazaron mil tai kar ke

tumhaare pas aate the

KHushi se gungunate raqs karte chahchahate the

bila-KHauf-o-KHatar uDte uDate the

magar ab hum ko apni jaan pyari hai