jaane kyun aisa hun main

lambe vaqt se soch rahā huuñ

jaane kyuuñ aisā huuñ maiñ

milne se ghabrātā huuñ maiñ jhuuT nahīñ kah paatā huuñ

us ke shikve us kī shikāyat jhagḌe se Dar jaatā huuñ

idhar-udhar kī bāteñ mujh ko zarā na ḳhush kar paatī haiñ

jaane kyuuñ aisā huuñ maiñ

dost nahīñ ban paate mere

rishte nahīñ sambhalte haiñ

bejā mohabbat bejā takalluf

donoñ ochhe lagte haiñ

auroñ kī kamiyoñ ko bilkul

achchhā nahīñ kah paatā huuñ

jaane kyuuñ aisā huuñ maiñ

achchhe bhale kāmoñ meñ aksar

der bahut kar detā huuñ

ammī se bāteñ karnī huuñ beTī ke schōl ho jaanā

koī nayā novel paḌhnā ho koī kahānī likhnī ho

sab ko Tāltā rahtā huuñ

jaane kyuuñ aisā huuñ maiñ

bhiiḌ bhare shahroñ se mujh ko

vahshat sī ho jaatī hai

gaañv jañgal sunsān jag.heñ

aksar ḳhush aa jaatī haiñ

koī alhaḌ chehra dekhūñ man ko vo bhā jaatā hai

jaane kyuuñ aisā huuñ maiñ

peḌoñ ke pairāhan dekhūñ phūloñ kī ḳhushbū ko sūñghūñ

rañg-birañgī titliyāñ pakḌūñ halkī halkī būñdeñ bhī

ThanDī naram havā.eñ jab jab chupke se chhū jaatī haiñ

yā koyal kī bolī sun luuñ man byākul ho jaatā hai

jaane kyuuñ aisā huuñ maiñ

naT banjāran sanyāsī aur khel-tamāshe vaale log

khañDar vīrāna jaltī dhuup phūlī sarsoñ dhaan ke khet

laal patañg aur piilī mainā indr-dhanush aur nadī kī dhaar

aate haiñ jab ḳhvāb meñ mere dīvāna ho jaatā huuñ

jaane kyuuñ aisā huuñ maiñ

bahut mujhe achchhā kahte haiñ burā bhī koī kahtā hai

sāmne merī mad.h-sarā.ī pīchhe gaalī detā hai

hamdardī hai koī dikhātā koī sāzish kartā hai

phir bhī chup chup sā rahtā huuñ jaise bahut anjān huuñ maiñ

jaane kyuuñ aisā huuñ maiñ

thoḌī sī āzādī mujh ko thoḌā bahut vaqt kā ziyāñ

kabhī kabhār kī achchhī bāteñ kisī kisī kā sachchā pyaar

chhoTī-moTī koī sharārat khilkhilā kar hañsnā bhī

ye sab ḳhush kar jaate haiñ jab to

lagtā hai ki zinda huuñ

jaane kyuuñ aisā huuñ maiñ

lambe waqt se soch raha hun

jaane kyun aisa hun main

milne se ghabraata hun main jhuT nahin kah pata hun

us ke shikwe us ki shikayat jhagDe se Dar jata hun

idhar-udhar ki baaten mujh ko zara na KHush kar pati hain

jaane kyun aisa hun main

dost nahin ban pate mere

rishte nahin sambhalte hain

beja mohabbat beja takalluf

donon ochhe lagte hain

auron ki kamiyon ko bilkul

achchha nahin kah pata hun

jaane kyun aisa hun main

achchhe bhale kaamon mein aksar

der bahut kar deta hun

ammi se baaten karni hun beTi ke school ho jaana

koi naya nowel paDhna ho koi kahani likhni ho

sab ko Talta rahta hun

jaane kyun aisa hun main

bhiD bhare shahron se mujh ko

wahshat si ho jati hai

ganw jangal sunsan jaghen

aksar KHush aa jati hain

koi alhaD chehra dekhun man ko wo bha jata hai

jaane kyun aisa hun main

peDon ke pairahan dekhun phulon ki KHushbu ko sunghun

rang-birangi titliyan pakDun halki halki bunden bhi

ThanDi naram hawaen jab jab chupke se chhu jati hain

ya koyal ki boli sun lun man byakul ho jata hai

jaane kyun aisa hun main

naT banjaran sanyasi aur khel-tamashe wale log

khanDar virana jalti dhup phuli sarson dhan ke khet

lal patang aur pili maina indr-dhanush aur nadi ki dhaar

aate hain jab KHwab mein mere diwana ho jata hun

jaane kyun aisa hun main

bahut mujhe achchha kahte hain bura bhi koi kahta hai

samne meri madh-sarai pichhe gali deta hai

hamdardi hai koi dikhata koi sazish karta hai

phir bhi chup chup sa rahta hun jaise bahut anjaan hun main

jaane kyun aisa hun main

thoDi si aazadi mujh ko thoDa bahut waqt ka ziyan

kabhi kabhaar ki achchhi baaten kisi kisi ka sachcha pyar

chhoTi-moTi koi shararat khilkhila kar hansna bhi

ye sab KHush kar jate hain jab to

lagta hai ki zinda hun

jaane kyun aisa hun main