jahez

jahez ik daur meñ tohfa thā

lekin ab ye la.anat hai

ki jo nāsūr bantā jā rahā hai

zamāne meñ isī la.anat kā ab

dastūr bantā jā rahā hai

bint-e-havvā ko jo sīm-o-zar ke do palḌoñ meñ tolā jā rahā hai

kis liye āḳhir

vo bābul kyā kare jis kī javāñ beTī ke bāloñ meñ

javāñ saalī meñ hī chāñdī utartī jā rahī hai

aur būḌhī maañ kī āñkhoñ meñ ye jo motī chamakte haiñ

to kyā un kī koī qīmat nahīñ duniyā kī nazroñ meñ

inhī rasmoñ kī jakḌan meñ

siyah chādar kī bakkal maar kar nādār kī ḳhāmosh beTī

ghar meñ baiThī bebasī kī boltī tasvīr bantī jā rahī hai

yahī behtar hai

patthar ke zamāne meñ chale jaa.eñ

unhī rasmoñ ko apnā leñ

ki beTī jūñhī paidā ho use dargor kar aa.eñ

jahez ek daur mein tohfa tha

lekin ab ye lanat hai

ki jo nasur banta ja raha hai

zamane mein isi lanat ka ab

dastur banta ja raha hai

bint-e-hawwa ko jo sim-o-zar ke do palDon mein tola ja raha hai

kis liye aaKHir

wo babul kya kare jis ki jawan beTi ke baalon mein

jawan sali mein hi chandi utarti ja rahi hai

aur buDhi man ki aankhon mein ye jo moti chamakte hain

to kya un ki koi qimat nahin duniya ki nazron mein

inhi rasmon ki jakDan mein

siyah chadar ki bakkal mar kar nadar ki KHamosh beTi

ghar mein baiThi bebasi ki bolti taswir banti ja rahi hai

yahi behtar hai

patthar ke zamane mein chale jaen

unhi rasmon ko apna len

ki beTi junhi paida ho use dargor kar aaen