jaise fasana KHatm hua

kamre kī ḳhāmosh fazā meñ

ik mānūs sī ḳhushbū thī

mahkī sāñsoñ kā sargam thā

kanchan kā yā qurb kī hiddat se nikhrī thī

sūraj kī ek ek kiran ujlī thī

palkeñ bojhal, āñkheñ band, havās musaḳhḳhar

chaḌhtī dhuup meñ ik nasha thā

is kā fasāna ik likhnā thā

kamre kī ḳhāmosh fazā ḳhālī thī

qurb kī ḳhushbū

kanchan kaayā

saañs ke sargam

sab tahlīl hue the

jaise fasāna ḳhatm huā thā

Dhaltī dhuup meñ zahr bujhā thā

vo baiThā thā

jaise haarī fauj se bichhḌā ek sipāhī

apnī paspā.ī par gum-sum

jism ke uupar teġh se likhī tahrīroñ par nādim

soch rahā ho zaḳhm shumārī se kyā hāsil

ik jhoñkā thā tez havā kā aayā aur gayā

vo patthar ke but kī sūrat, bilkul behis baiThā thā

raat kā lambā gahrā saayā phail gayā thā

kamre ki KHamosh faza mein

ek manus si KHushbu thi

mahki sanson ka sargam tha

kanchan ka ya qurb ki hiddat se nikhri thi

suraj ki ek ek kiran ujli thi

palken bojhal, aankhen band, hawas musaKHKHar

chaDhti dhup mein ek nasha tha

is ka fasana ek likhna tha

kamre ki KHamosh faza KHali thi

qurb ki KHushbu

kanchan kaya

sans ke sargam

sab tahlil hue the

jaise fasana KHatm hua tha

Dhalti dhup mein zahr bujha tha

wo baiTha tha

jaise haari fauj se bichhDa ek sipahi

apni paspai par gum-sum

jism ke upar tegh se likhi tahriron par nadim

soch raha ho zaKHm shumari se kya hasil

ek jhonka tha tez hawa ka aaya aur gaya

wo patthar ke but ki surat, bilkul behis baiTha tha

raat ka lamba gahra saya phail gaya tha