Font by Mehr Nastaliq Web

aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

jamhuriyat

Habib Jalib

jamhuriyat

Habib Jalib

MORE BYHabib Jalib

    das karoḌ insāno!

    zindagī se begāno!

    sirf chand logoñ ne

    haq tumhārā chhīnā hai

    ḳhaak aise jiine par

    ye bhī koī jiinā hai

    be-shu.ūr bhī tum ko

    be-shu.ūr kahte haiñ

    sochtā huuñ ye nādāñ

    kis havā meñ rahte haiñ

    aur ye qasīda-go

    fikr hai yahī jin ko

    haath meñ alam le kar

    tum na uTh sako logo

    kab talak ye ḳhāmoshī

    chalte-phirte zindano

    das karoḌ insāno!

    ye mileñ ye jāgīreñ

    kis ḳhuun piitī haiñ

    barackoñ meñ ye faujeñ

    kis ke bal pe jiitī haiñ

    kis mehnatoñ phal

    dāshtā.eñ khātī haiñ

    jhoñpaḌoñ se rone

    kyuuñ sadā.eñ aatī haiñ

    jab shabāb par aa kar

    khet lahlahātā hai

    kis ke nain rote haiñ

    kaun muskurātā hai

    kaash tum kabhī samjho

    kaash tum kabhī samjho

    kaash tum kabhī jaano

    das karoḌ insāno!

    ilm-o-fan ke raste meñ

    lāThiyoñ ye bāḌeñ

    collegoñ ke laḌkoñ par

    goliyoñ bauchhāḌeñ

    ye kirā.e ke ġhunDe

    yādgār-e-shab dekho

    kis qadar bhayānak hai

    zulm ye Dhab dekho

    raqs-e-ātish-o-āhan

    dekhte jāoge

    dekhte jāoge

    hosh meñ na aaoge

    hosh meñ na aaoge

    ai ḳhamosh tūfāno!

    das karoḌ insāno!

    saikḌoñ hasan nāsir

    haiñ shikār nafrat ke

    sub.h-o-shām luTte haiñ

    qāfile mohabbat ke

    jab se kaale bāġhoñ ne

    aadmī ko gherā hai

    mish.aleñ karo raushan

    duur tak añdherā hai

    mere des dhartī

    pyaar ko tarastī hai

    pattharoñ bārish

    is pe kyuuñ barastī hai

    mulk ko bachāo bhī

    mulk ke nigahbāno

    das karoḌ insāno!

    bolne pe pābandī

    sochne pe ta.azīreñ

    paañv meñ ġhulāmī

    aaj bhī haiñ zanjīreñ

    aaj harf-e-āḳhir hai

    baat chand logoñ

    din hai chand logoñ

    raat chand logoñ

    uTh ke dard-mandoñ ke

    sub.h-o-shām badlo bhī

    jis meñ tum nahīñ shāmil

    vo nizām badlo bhī

    dostoñ ko pahchāno

    dushmanoñ ko pahchāno

    das karoḌ insāno!

    das karoD insano!

    zindagi se begano!

    sirf chand logon ne

    haq tumhaara chhina hai

    KHak aise jine par

    ye bhi koi jina hai

    be-shuur bhi tum ko

    be-shuur kahte hain

    sochta hun ye nadan

    kis hawa mein rahte hain

    aur ye qasida-go

    fikr hai yahi jin ko

    hath mein alam le kar

    tum na uTh sako logo

    kab talak ye KHamoshi

    chalte-phirte zindano

    das karoD insano!

    ye milen ye jagiren

    kis ka KHun piti hain

    barackon mein ye faujen

    kis ke bal pe jiti hain

    kis ki mehnaton ka phal

    dashtaen khati hain

    jhonpaDon se rone ki

    kyun sadaen aati hain

    jab shabab par aa kar

    khet lahlahata hai

    kis ke nain rote hain

    kaun muskuraata hai

    kash tum kabhi samjho

    kash tum kabhi samjho

    kash tum kabhi jaano

    das karoD insano!

    ilm-o-fan ke raste mein

    laThiyon ki ye baDen

    collegon ke laDkon par

    goliyon ki bauchhaDen

    ye kirae ke ghunDe

    yaadgar-e-shab dekho

    kis qadar bhayanak hai

    zulm ka ye Dhab dekho

    raqs-e-atish-o-ahan

    dekhte hi jaoge

    dekhte hi jaoge

    hosh mein na aaoge

    hosh mein na aaoge

    ai KHamosh tufano!

    das karoD insano!

    saikDon hasan nasir

    hain shikar nafrat ke

    subh-o-sham luTte hain

    qafile mohabbat ke

    jab se kale baghon ne

    aadmi ko ghera hai

    mishalen karo raushan

    dur tak andhera hai

    mere des ki dharti

    pyar ko tarasti hai

    pattharon ki barish hi

    is pe kyun barasti hai

    mulk ko bachao bhi

    mulk ke nigahbano

    das karoD insano!

    bolne pe pabandi

    sochne pe taziren

    panw mein ghulami ki

    aaj bhi hain zanjiren

    aaj harf-e-aKHir hai

    baat chand logon ki

    din hai chand logon ka

    raat chand logon ki

    uTh ke dard-mandon ke

    subh-o-sham badlo bhi

    jis mein tum nahin shamil

    wo nizam badlo bhi

    doston ko pahchano

    dushmanon ko pahchano

    das karoD insano!

    Source :
    • Book : kulliyat-e-habib jaalib (Pg. 142)
    • Author : habib jaalib
    • Publication : Tahir publishar,lahore (2012)
    • Edition : 2012
    ગુજરાતી ભાષા-સાહિત્યનો મંચ : રેખ્તા ગુજરાતી

    ગુજરાતી ભાષા-સાહિત્યનો મંચ : રેખ્તા ગુજરાતી

    મધ્યકાલથી લઈ સાંપ્રત સમય સુધીની ચૂંટેલી કવિતાનો ખજાનો હવે છે માત્ર એક ક્લિક પર. સાથે સાથે સાહિત્યિક વીડિયો અને શબ્દકોશની સગવડ પણ છે. સંતસાહિત્ય, ડાયસ્પોરા સાહિત્ય, પ્રતિબદ્ધ સાહિત્ય અને ગુજરાતના અનેક ઐતિહાસિક પુસ્તકાલયોના દુર્લભ પુસ્તકો પણ તમે રેખ્તા ગુજરાતી પર વાંચી શકશો

    0
    COMMENTS
    VIEW COMMENTS VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now