jang

MORE BYMakhdoom Mohiuddin

    nikle dahān-e-top se barbādiyoñ ke raag

    bāġh-e-jahāñ meñ phail ga.ī dozaḳhoñ aag

    kyuuñ TimTimā rahī hai ye phir sham-e-zindagī

    phir kyuuñ nigār-e-haq pe haiñ āsār-e-beogī

    ifrīt-e-sīm-o-zar ke kaleje meñ kyuuñ hai phāñs

    kyuuñ ruk rahī hai siine meñ tahzīb-e-nau saañs

    amn-o-amāñ nabz chhuTTī rahī hai kyūñ?

    bālīn-e-zīst aaj ajal rahī hai kyūñ?

    ab dilhanoñ se chhīn liyā jā.egā suhāg

    ab apne āñsuoñ se bujhā.eñ vo dil aag

    barbat-navāz bazm-e-ulū idhar to aa

    dāvat-dah-e-payām-e-ubūdī idhar to aa

    insāniyat ke ḳhuun arzāniyāñ to dekh

    is āsmān vaale be-dādiyāñ to dekh

    ma.asūma-e-hayāt bechārgī to dekh

    dast havas se husn ġhārat-garī to dekh

    ḳhud apnī zindagī pe pashīmāñ hai zindagī

    qurbān-gāh-e-maut pe raqsāñ hai zindagī

    insān rah sake koī aisā jahāñ bhī hai

    is fitna-zā zamīñ koī pāsbāñ bhī hai

    o āftāb-e-rahmat-e-daurāñ tulū ho

    o anjum-e-hamīyat-e-yazdāñ tulū ho

    nikle dahan-e-top se barbaadiyon ke rag

    bagh-e-jahan mein phail gai dozaKHon ki aag

    kyun TimTima rahi hai ye phir sham-e-zindagi

    phir kyun nigar-e-haq pe hain aasar-e-beogi

    ifrit-e-sim-o-zar ke kaleje mein kyun hai phans

    kyun ruk rahi hai sine mein tahzib-e-nau ki sans

    amn-o-aman ki nabz chhuTTi ja rahi hai kyun?

    baalin-e-zist aaj ajal ga rahi hai kyun?

    ab dilhanon se chhin liya jaega suhag

    ab apne aansuon se bujhaen wo dil ki aag

    barbat-nawaz bazm-e-ulu idhar to aa

    dawat-dah-e-payam-e-ubudi idhar to aa

    insaniyat ke KHun ki arzaniyan to dekh

    is ki aasman wale ki be-dadiyan to dekh

    masuma-e-hayat ki bechaargi to dekh

    dast hawas se husn ki ghaarat-gari to dekh

    KHud apni zindagi pe pashiman hai zindagi

    qurban-gah-e-maut pe raqsan hai zindagi

    insan rah sake koi aisa jahan bhi hai

    is fitna-za zamin ka koi pasban bhi hai

    o aaftab-e-rahmat-e-dauran tulu ho

    o anjum-e-hamiyat-e-yazdan tulu ho

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY