jaras-e-gul ki sada

is havas meñ ki pukāre jaras-e-gul kī sadā

dasht-o-sahrā meñ sabā phirtī hai yuuñ āvāra

jis tarah phirte haiñ ham ahl-e-junūñ āvāra

ham pe vāraftagī-e-hosh kī tohmat na dharo

ham ki rummāz-e-rumūz-e-ġham-e-pinhānī haiñ

apnī gardan pe bhī hai rishta-fagan ḳhātir-e-dost

ham bhī shauq-e-rah-e-dildār ke zindānī haiñ

jab bhī abrū-e-dar-e-yār ne irshād kiyā

jis bayābāñ meñ bhī ham hoñge chale ā.eñge

dar khulā dekhā to shāyad tumheñ phir dekh sakeñ

band hogā to sadā de ke chale jā.eñge

is hawas mein ki pukare jaras-e-gul ki sada

dasht-o-sahra mein saba phirti hai yun aawara

jis tarah phirte hain hum ahl-e-junun aawara

hum pe waraftagi-e-hosh ki tohmat na dharo

hum ki rummaz-e-rumuz-e-gham-e-pinhani hain

apni gardan pe bhi hai rishta-fagan KHatir-e-dost

hum bhi shauq-e-rah-e-dildar ke zindani hain

jab bhi abru-e-dar-e-yar ne irshad kiya

jis bayaban mein bhi hum honge chale aaenge

dar khula dekha to shayad tumhein phir dekh saken

band hoga to sada de ke chale jaenge