jawab-e-shikwa

Nashtar Amrohvi

jawab-e-shikwa

Nashtar Amrohvi

MORE BYNashtar Amrohvi

    aah jab dil se nikaltī hai asar rakhtī hai

    gulshan-e-zīst jalāne ko sharar rakhtī hai

    top talvār na ye teġh-o-tabar rakhtī hai

    bint-e-havvā tarah tīr-e-nazar rakhtī hai

    itnā pur-soz huā nāla-e-saffāk mirā

    kar gayā dil pe asar shikva-e-bebāk mirā

    ye kahā sun ke sasur ne ki kahīñ hai koī

    saas chupke se ye bolīñ ki yahīñ hai koī

    sāliyāñ kahne lagīñ qurb-o-qarīñ hai koī

    saale ye bole ki mardūd-o-la.īñ hai koī

    kuchh jo samjhā hai to ham-zulf ke behtar samjhā

    mujh ko begam satāyā huā shauhar samjhā

    apne hālāt pe tum ġhaur zarā kar lo agar

    jald khul jā.egī phir saarī haqīqat tum par

    maiñ ne ugne na diyā zehn meñ nafrat shajar

    tum pe Daalī hai sadā maiñ ne mohabbat nazar

    kah ke sartāj tumheñ sar pe biThāyā maiñ ne

    tum to beTe the faqat baap banāyā maiñ ne

    maiñ ne sasurāl meñ har shaḳhs izzat hai

    saas sasure nahīñ nandoñ bhī ḳhidmat hai

    jeTh devar se jeThānī se mohabbat hai

    maiñ ne din raat mashaqqat mashaqqat hai

    phir bhī hoñToñ pe koī shikva gila kuchh bhī nahīñ

    mere din raat mehnat sila kuchh bhī nahīñ

    sub.h-dam bachchoñ ko tayyār karātī huuñ maiñ

    nāshta sab ke liye roz banātī huuñ maiñ

    baasī tum khāte nahīñ taaza pakātī huuñ maiñ

    chhoḌne bachchoñ ko schōl bhī jaatī huuñ maiñ

    maiñ ki insān huuñ insān nahīñ jin koī

    merī taqdīr meñ chhuTTī nahīñ din koī

    vo bhī din the ki dulhan ban ke maiñ jab aa.ī thī

    saath meñ jiine marne qasam khaa.ī thī

    pyaar ā.ankhoñ meñ thā āvāz meñ shahnā.ī thī

    kabhī mahbūb tumhārī yahī harjā.ī thī

    apne ghar ke liye ye hastī miTā maiñ ne

    zindagī rāh-e-mohabbat meñ luTā maiñ ne

    kis qadar tum pe girāñ ek faqat naarī hai

    daal roTī jise denā bhī tumheñ bhārī hai

    mujh se kab pyaar hai aulād tumheñ pyārī hai

    tum kah do yahī ā.īn-e-vafādārī hai

    ghar to biivī se hai biivī jo nahīñ ghar bhī nahīñ

    ye double bed ye takiya nahīñ chādar bhī nahīñ

    maiñ ne maanā ki vo pahlī javānī na rahī

    har shab-e-vasl na.ī koī kahānī na rahī

    qulzum-e-husn meñ pahlī ravānī na rahī

    ab maiñ pahle tarah raat raanī na rahī

    apnī aulād ḳhātir maiñ javāñ huuñ ab bhī

    jis ke qadmoñ meñ hai jannat vahī maañ huuñ ab bhī

    the jo ajdād tumhāre na thā un ye shi.ār

    tum ho biivī se pareshān vo biivī pe nisār

    tum kyā karte ho har vaqt ye jo tum bezār

    tum ho guftār ke ġhāzī vo sarāpā kirdār

    apne ajdād tum ko to koī paas nahīñ

    ham to behis haiñ magar tum bhī to hassās nahīñ

    nahīñ jin mardoñ ko parvā-e-nasheman tum ho

    achchhī lagtī hai jise roz uljhan tum ho

    ban ga.e apnī grihastī ke jo dushman tum ho

    ho ke ġhairoñ pe fidā biivī se bad-zan tum ho

    phir se ābād na.ī koī bhī vaadī kar lo

    kisī kalbisnī se ab dūsrī shādī kar lo

    aah jab dil se nikalti hai asar rakhti hai

    gulshan-e-zist jalane ko sharar rakhti hai

    top talwar na ye tegh-o-tabar rakhti hai

    bint-e-hawwa ki tarah tir-e-nazar rakhti hai

    itna pur-soz hua nala-e-saffak mera

    kar gaya dil pe asar shikwa-e-bebak mera

    ye kaha sun ke sasur ne ki kahin hai koi

    sas chupke se ye bolin ki yahin hai koi

    saliyan kahne lagin qurb-o-qarin hai koi

    sale ye bole ki mardud-o-lain hai koi

    kuchh jo samjha hai to ham-zulf ke behtar samjha

    mujh ko begam ka sataya hua shauhar samjha

    apne haalat pe tum ghaur zara kar lo agar

    jald khul jaegi phir sari haqiqat tum par

    main ne ugne na diya zehn mein nafrat ka shajar

    tum pe Dali hai sada main ne mohabbat ki nazar

    kah ke sartaj tumhein sar pe biThaya main ne

    tum to beTe the faqat bap banaya main ne

    main ne sasural mein har shaKHs ki izzat ki hai

    sas sasure nahin nandon ki bhi KHidmat ki hai

    jeTh dewar se jeThani se mohabbat ki hai

    main ne din raat mashaqqat hi mashaqqat ki hai

    phir bhi honTon pe koi shikwa gila kuchh bhi nahin

    mere din raat ki mehnat ka sila kuchh bhi nahin

    subh-dam bachchon ko tayyar karaati hun main

    nashta sab ke liye roz banati hun main

    basi tum khate nahin taza pakati hun main

    chhoDne bachchon ko school bhi jati hun main

    main ki insan hun insan nahin jin koi

    meri taqdir mein chhuTTi ka nahin din koi

    wo bhi din the ki dulhan ban ke main jab aai thi

    sath mein jine ki marne ki qasam khai thi

    pyar aaankhon mein tha aawaz mein shahnai thi

    kabhi mahbub tumhaari yahi harjai thi

    apne ghar ke liye ye hasti miTa di main ne

    zindagi rah-e-mohabbat mein luTa di main ne

    kis qadar tum pe giran ek faqat nari hai

    dal roTi jise dena bhi tumhein bhaari hai

    mujh se kab pyar hai aulad tumhein pyari hai

    tum hi kah do yahi aain-e-wafadari hai

    ghar to biwi se hai biwi jo nahin ghar bhi nahin

    ye double bed ye takiya nahin chadar bhi nahin

    main ne mana ki wo pahli si jawani na rahi

    har shab-e-wasl nai koi kahani na rahi

    qulzum-e-husn mein pahli si rawani na rahi

    ab main pahle ki tarah raat ki rani na rahi

    apni aulad ki KHatir main jawan hun ab bhi

    jis ke qadmon mein hai jannat wahi man hun ab bhi

    the jo ajdad tumhaare na tha un ka ye shiar

    tum ho biwi se pareshan wo biwi pe nisar

    tum kya karte ho har waqt ye jo tum bezar

    tum ho guftar ke ghazi wo sarapa kirdar

    apne ajdad ka tum ko to koi pas nahin

    hum to behis hain magar tum bhi to hassas nahin

    nahin jin mardon ko parwa-e-nasheman tum ho

    achchhi lagti hai jise roz hi uljhan tum ho

    ban gae apni grihasti ke jo dushman tum ho

    ho ke ghairon pe fida biwi se bad-zan tum ho

    phir se aabaad nai koi bhi wadi kar lo

    kisi kalbisni se ab dusri shadi kar lo

    Source:

    • Book : Post Martum (Pg. 41)
    • Author : Nashtar Amrohvi
    • Publication : M.R. Publications (2012)
    • Edition : 2012
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY