jawani

MORE BYMakhdoom Mohiuddin

    bedār huiiñ mahr-e-javānī shuā.eñ

    paḌne lagīñ aalam isī samt nigāheñ

    ḳhvābīda the jazbāt badalne lage karvaT

    rū-e-sharar-e-tūr se ha.Tne lagā ghūñgat

    bharne lage baazū to hue band-e-qabā tañg

    chaḌhne lagā tiflī pe javānī nayā rañg

    sāġhar khanak ban ga.ī us shoḳh āvāz

    barbat huī gudgudī jaag uThe saaz

    a.azā meñ lachak hai to hai ik loch kamar meñ

    a.asāb meñ paara hai to bijlī hai nazar meñ

    aane lagī har baat pe ruk ruk ke hañsī ab

    rañgīn tamavvuj se girāñ-bār hue lab

    vo dekh badalte hue pahlū koī uTThā

    vo dekh bigāḌe hue gesū koī uTThā

    vo dekh ki kis gul mahak phailī hai har-sū

    vo dekh ki hai kaun ravāñ bajte haiñ ghuñgrū

    kam-baḳht ajal thī ye javānī qabā meñ

    TukḌe haiñ kisī dil ke bhī naqsh-e-kaf-e-pā meñ

    bedar huin mahr-e-jawani ki shuaen

    paDne lagin aalam ki isi samt nigahen

    KHwabida the jazbaat badalne lage karwaT

    ru-e-sharar-e-tur se haTne laga ghungat

    bharne lage bazu to hue band-e-qaba tang

    chaDhne laga tifli pe jawani ka naya rang

    saghar ki khanak ban gai us shoKH ki aawaz

    barbat ki hui gudgudi ya jag uThe saz

    aaza mein lachak hai to hai ek loch kamar mein

    aasab mein para hai to bijli hai nazar mein

    aane lagi har baat pe ruk ruk ke hansi ab

    rangin tamawwuj se giran-bar hue lab

    wo dekh badalte hue pahlu koi uTTha

    wo dekh bigaDe hue gesu koi uTTha

    wo dekh ki kis gul ki mahak phaili hai har-su

    wo dekh ki hai kaun rawan bajte hain ghungru

    kam-baKHt ajal thi ye jawani ki qaba mein

    TukDe hain kisi dil ke bhi naqsh-e-kaf-e-pa mein

    Source :
    • Book : Kulliyat-e-Makhdum Muhi-ud-din (Pg. 107)
    • Author : Farooq Argali
    • Publication : Farid Book Depot Pvt. Ltd. (2011)
    • Edition : 2011
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY