jawanon se KHitab
Interesting Fact
(This poem was recited at the 13th Annual Meeting of Anjuman Madrasa Al-Banat Jalandhar City)
ḳhabar-dār ai be-ḳhabar nā-ḳhudāo
balā kā bhañvar hai ġhazab kā bahāo
tabāhī meñ hai kashtī-e-qaum aao
bachāo ise Dūbne se bachāo
javāno koī kaam karke dikhāo
javānī meñ ho is qadar lā-ubālī
javānī nahīñ baar baar aane vaalī
javānī kī tāqat kā maqsad hai 'aalī
javānī na 'aish-o-tarab meñ gañvāo
javāno koī kaam karke dikhāo
hamārī ġharībī sitam-āfrīñ hai
hamārā Thikānā kahīñ bhī nahīñ hai
na e’zāz-e-duniyā na tauqīr-e-dīñ hai
tadabbur karo dast-o-bāzū hilāo
javāno koī kaam karke dikhāo
musībat se kāfūr hotī hai ġhaflat
musībat se do-chand hotī hai himmat
musībat se bedār hotī hai qismat
musībat jo aa.e to ghabrā na jaao
javāno koī kaam karke dikhāo
kahāñ hai tumhārī vo ān-e-hijāzī
ye kyā le ke baiThe ho shatranj-bāzī
bano mard-e-maidāñ bano mard-e-ġhāzī
'adū par shujā'at kā sikka biThāo
javāno koī kaam karke dikhāo
tan-āsāniyoñ meñ giraftār ho tum
taraqqī kī rāhoñ se bezār ho tum
kabhī tum ne sochā hai kyoñ ḳhvār ho tum
ye kyā zindagī hai tumhīñ ḳhud batāo
javāno koī kaam karke dikhāo
burā.ī kī bātoñ meñ rakkhā hī kyā hai
badī kā natīja hamesha burā hai
ḳhudā ne tumheñ aaj mauqa' diyā hai
karo ḳhidmat-e-ḳhalq nekī kamāo
javāno koī kaam karke dikhāo
agar chāhte ho baḌhe ḳhair-o-barkat
agar chāhte ho baḌhe shān-o-shaukat
agar chāhte ho baḌhe māl-o-daulat
uTho phir tijārat kā biiḌā uThāo
javāno koī kaam karke dikhāo
raheñge tumhāre ye hālāt kab tak
na badloge apne ḳhayālāt kab tak
sunoge na tum 'faiz' kī baat kab tak
ḳhudā ke liye qaum par rahm khaao
javāno koī kaam karke dikhāo
KHabar-dar ai be-KHabar na-KHudao
bala ka bhanwar hai ghazab ka bahao
tabahi mein hai kashti-e-qaum aao
bachao ise Dubne se bachao
jawano koi kaam karke dikhao
jawani mein ho is qadar la-ubaali
jawani nahin bar bar aane wali
jawani ki taqat ka maqsad hai 'ali
jawani na 'aish-o-tarab mein ganwao
jawano koi kaam karke dikhao
hamari gharibi sitam-afrin hai
hamara Thikana kahin bhi nahin hai
na e’zaz-e-duniya na tauqir-e-din hai
tadabbur karo dast-o-bazu hilao
jawano koi kaam karke dikhao
musibat se kafur hoti hai ghaflat
musibat se do-chand hoti hai himmat
musibat se bedar hoti hai qismat
musibat jo aae to ghabra na jao
jawano koi kaam karke dikhao
kahan hai tumhaari wo aan-e-hijazi
ye kya le ke baiThe ho shatranj-bazi
bano mard-e-maidan bano mard-e-ghazi
'adu par shuja'at ka sikka biThao
jawano koi kaam karke dikhao
tan-asaniyon mein giraftar ho tum
taraqqi ki rahon se bezar ho tum
kabhi tum ne socha hai kyon KHwar ho tum
ye kya zindagi hai tumhin KHud batao
jawano koi kaam karke dikhao
burai ki baaton mein rakkha hi kya hai
badi ka natija hamesha bura hai
KHuda ne tumhein aaj mauqa' diya hai
karo KHidmat-e-KHalq neki kamao
jawano koi kaam karke dikhao
agar chahte ho baDhe KHair-o-barkat
agar chahte ho baDhe shan-o-shaukat
agar chahte ho baDhe mal-o-daulat
uTho phir tijarat ka biDa uThao
jawano koi kaam karke dikhao
rahenge tumhaare ye haalat kab tak
na badloge apne KHayalat kab tak
sunoge na tum 'faiz' ki baat kab tak
KHuda ke liye qaum par rahm khao
jawano koi kaam karke dikhao
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
