jazb-e-ghairat

vafā kā zauq diyā hai tirī mohabbat ne

diloñ ko fat.h kiyā jazba-e-sharāfat ne

tirī hayā se taqaddus hai ādamiyat kā

kiyā hai tujh ko sar-afrāz jazb-e-ġhairat ne

chaman meñ jis se hai izn-e-shaguft-e-ġhuncha-o-gul

gudāz qalb vo baḳhshā hai tujh ko qudrat ne

bahut hī kam haiñ vo shā.ista-e-nazar jin ko

ḳhirāj-e-shauq diyā zindagī kī azmat ne

har ek be-kas-o-mazlūm kī himāyat kā

tujhe shu.ūr diyā hai ḳhudā kī rahmat ne

faroġh-e-bazm-e-suḳhan terī sarparastī se

adab shanās kiyā hai tirī aqīdat ne

shaguftagī dil-e-barbād ko atā kī hai

tire ḳhayāl tire yaad kī latāfat ne

wafa ka zauq diya hai teri mohabbat ne

dilon ko fath kiya jazba-e-sharafat ne

teri haya se taqaddus hai aadamiyat ka

kiya hai tujh ko sar-afraaz jazb-e-ghairat ne

chaman mein jis se hai izn-e-shaguft-e-ghuncha-o-gul

gudaz qalb wo baKHsha hai tujh ko qudrat ne

bahut hi kam hain wo shaista-e-nazar jin ko

KHiraj-e-shauq diya zindagi ki azmat ne

har ek be-kas-o-mazlum ki himayat ka

tujhe shuur diya hai KHuda ki rahmat ne

farogh-e-bazm-e-suKHan teri sarparasti se

adab shanas kiya hai teri aqidat ne

shaguftagi dil-e-barbaad ko ata ki hai

tere KHayal tere yaad ki latafat ne