jhuTh

pareshān mat ho

agar āḳhirī baar ham mil rahe haiñ

to ik dūsre ko ḳhushī se ravāna kareñge

pareshān mat ho

maiñ ik zinda-dil aadmī huuñ

bichhaḌnā burī baat hotī

to ham marne vāloñ ko kyoñ jaane dete

pareshān mat honā maiñ Thiik huuñ

zindagī aise aise hī chal chaltī hai

maiñ ma-maiñ maiñ samajhtā huuñ

zin-zindagī sukh dukh kā hī nā-nām hai

ham ko har haal meñ is ko jī-jīnā hotā hai

zin-zinda rah-rahnā hotā hai

tum pa-pareshān mat ho

tumhāre jajāne ke ba-bā’d apnā ḳhayāl rakhūñgā

de-dekho nā kaise mus-muskurā rā-rahā huuñ

chalo āḳhirī baar ik dūsre ko gale lā-lagā.eñ

mujhe ek ah-aham kā-kām yaad aa rahā hai

mujhe jaldī jā-jānā hogā

pareshan mat ho

agar aaKHiri bar hum mil rahe hain

to ek dusre ko KHushi se rawana karenge

pareshan mat ho

main ek zinda-dil aadmi hun

bichhaDna buri baat hoti

to hum marne walon ko kyon jaane dete

pareshan mat hona main Thik hun

zindagi aise aise hi chal chalti hai

main ma-main main samajhta hun

zin-zindagi sukh dukh ka hi na-nam hai

hum ko har haal mein is ko ji-jina hota hai

zin-zinda rah-rahna hota hai

tum pa-pareshan mat ho

tumhaare jajaane ke ba-ba’d apna KHayal rakhunga

de-dekho na kaise mus-muskura ra-raha hun

chalo aaKHiri bar ek dusre ko gale la-lagaen

mujhe ek ah-aham ka-kaam yaad aa raha hai

mujhe jaldi ja-jaana hoga