jo ilm mardon ke liye samjha gaya aab-e-hayat

jo ilm mardoñ ke liye samjhā gayā āb-e-hayāt

Thahrā tumhāre haq meñ vo zahr-e-halāhil sar-basar

jab tak jiyo tum ilm-o-dānish se raho mahrūm yaañ

aa.ī ho jaisī be-ḳhabar vaisī hī jaao be-ḳhabar

duniyā ke daanā aur hakīm is ḳhauf se larzāñ the sab

tum par mubādā ilm keī paḌ jaa.e parchhā.īñ kahīñ

aisā na ho mard aur aurat meñ rahe baaqī na farq

ta.alīm pā kar aadmī banñā tumheñ zebā nahīñ

ilm-o-hunar se rafta rafta ho ga.iiñ māyūs tum

samjhā liyā dil ko ki ham ḳhud ilm ke qābil na thiiñ

āḳhir tumhārī chup diloñ meñ ahl-e-dil ke chubh ga.ī

sach hai ki chup keī daad āḳhir be-mile rahtī nahīñ

jo ilm mardon ke liye samjha gaya aab-e-hayat

Thahra tumhaare haq mein wo zahr-e-halahil sar-basar

jab tak jiyo tum ilm-o-danish se raho mahrum yan

aai ho jaisi be-KHabar waisi hi jao be-KHabar

duniya ke dana aur hakim is KHauf se larzan the sab

tum par mubaada ilm kei paD jae parchhain kahin

aisa na ho mard aur aurat mein rahe baqi na farq

talim pa kar aadmi banna tumhein zeba nahin

ilm-o-hunar se rafta rafta ho gain mayus tum

samjha liya dil ko ki hum KHud ilm ke qabil na thin

aaKHir tumhaari chup dilon mein ahl-e-dil ke chubh gai

sach hai ki chup kei dad aaKHir be-mile rahti nahin