jo mumkin ho agar aisa

mujhe lauTā sakoge tum

mirī chhoTī sī vo duniyā

mire ehsās kī shiddat

mire alfāz kī hurmat

guzāre sang jo lamhe

mirī ḳhvāhish mire sapne

vo bechainī vo betābī

mirī āñkhoñ kī be-ḳhvābī

laboñ kī vo hañsī merī

nigāhoñ kī chamak merī

umangoñ se bharī bāteñ

hasīñ vo din javāñ rāteñ

vo rangoñ se bharī shāmeñ

bas ik duuje ko ham thāmeñ

jo mumkin ho agar aisā

ki biite din bhulā paao

to jaao haq diyā tum ko

ḳhushī se tum chale jaao

mujhe lauTa sakoge tum

meri chhoTi si wo duniya

mere ehsas ki shiddat

mere alfaz ki hurmat

guzare sang jo lamhe

meri KHwahish mere sapne

wo bechaini wo betabi

meri aankhon ki be-KHwabi

labon ki wo hansi meri

nigahon ki chamak meri

umangon se bhari baaten

hasin wo din jawan raaten

wo rangon se bhari shamen

bas ek duje ko hum thamen

jo mumkin ho agar aisa

ki bite din bhula pao

to jao haq diya tum ko

KHushi se tum chale jao