judai

Firaq Gorakhpuri

judai

Firaq Gorakhpuri

MORE BY Firaq Gorakhpuri

    shajar hajar pe haiñ ġham ghaTā.eñ chhā.ī huī

    subuk-ḳhirām havāoñ ko niiñd aa.ī huī

    rageñ zamīñ ke manāzir paḌ chalīñ Dhīlī

    ye ḳhasta-hālī ye darmāndagī ye sannāTā

    fazā-e-nīm-shabī bhī hai sansanāī huī

    dhuāñ dhuāñ se manāzir haiñ shabnamistāñ ke

    sayyāra raat zulfeñ haiñ rasmasā.ī huī

    ye rañg tāroñ bharī raat ke tanaffus

    ki bū-e-dard meñ har saañs hai basā.ī huī

    ḳhunuk udaas fazāoñ āñkhoñ meñ aañsū

    tire firāq ye Tiis hai uThā.ī huī

    sukūt-e-nīm-shabī gahrā hotā jaatā hai

    rageñ haiñ sīna-e-hastī tilmilā.ī huī

    hai aaj sāz-e-navā-hā-e-ḳhūñ-chakāñ ai dost

    hayāt terī judā.ī choT khaa.ī huī

    mirī in āñkhoñ se ab niiñd parda kartī hai

    jo tere panja-e-rañgīñ thiiñ jagā.ī huī

    sarishk paale hue tere narm dāman ke

    nashāt tere tabassum se jagmagā.ī huī

    laTak vo gesuoñ jaise pech-o-tāb-e-kamand

    lachak bhavoñ vo jaise kamāñ jhukā.ī huī

    sahar jaise tabassum damak vo māthe

    kiran suhāg biñdī lahlahā.ī huī

    vo añkhḌiyoñ fusūñ ruup vo deviyyat

    vo siina rūh-e-numū jis meñ kanmanā.ī huī

    vo sej saañs ḳhushbū ko jis pe niiñd aa.e

    vo qad gulāb ik shāḳh lahlahā.ī huī

    vo jhilmilāte sitāre tire pasīne ke

    jabīn-e-shām-e-javānī thī jagmagā.ī huī

    ho jaise but-kada aazar bol uThne ko

    vo koī baat goyā laboñ tak aa.ī huī

    vo dhaj vo dilbarī vo kām-rūp āñkhoñ

    sajal adāoñ meñ vo rāgnī rachā.ī huī

    ho ḳhvāb-gāh meñ sho.aloñ karvaTeñ dam-e-sub.h

    vo bhairvīñ tirī bedāriyoñ gaa.ī huī

    vo muskurātī huī lutf-e-dīd sub.heñ

    tirī nazar shuāoñ gudgudā.ī huī

    lagī jo tere tasavvur ke narm sho.aloñ se

    hayāt-e-ishq se us aañch tipā.ī huī

    hanūz vaqt ke kānoñ meñ chahchahāhaT hai

    vo chaap tere qadam sunī-sunā.ī huī

    hanūz sīna-e-māzī meñ jagmagāhaT hai

    damakte ruup dīpāvlī jalā.ī huī

    lahū meñ Duubī umañgoñ maut rok zarā

    harīm-e-dil meñ chalī aatī hai DhiTā.ī huī

    rahegī yaad javāñ-bevgī mohabbat

    suhāg raat vo chūḌiyāñ baḌhā.ī huī

    ye merī pahlī mohabbat na thī magar ai dost

    ubhar ga.ī haiñ vo choTeñ dabī-dabā.ī huī

    supurdagī o ḳhulūs-e-nihāñ ke parde meñ

    jo terī narm-nigāhī thiiñ bi.Thā.ī huī

    uThā chukā huuñ maiñ pahle bhī hijr ke sadme

    vo saañs dukhtī huī aañkh DabDabā.ī huī

    ye hādsa hai ajab tujh ko ke kho denā

    ye sāneha hai ġhazab terī yaad aa.ī huī

    ajiib dard se koī pukārtā hai tujhe

    galā rundhā huā āvāz thar tharrā.ī huī

    kahāñ hai aaj ai rañg-o-nūr devī

    añdherī hai mirī duniyā luTī-luTā.ī huī

    pahuñch sakegī bhī tujh tak mirī navā-e-firāq

    jo kā.enāt ke ashkoñ meñ hai nahā.ī huī

    shajar hajar pe hain gham ki ghaTaen chhai hui

    subuk-KHiram hawaon ko nind aai hui

    ragen zamin ke manazir ki paD chalin Dhili

    ye KHasta-haali ye darmandagi ye sannaTa

    faza-e-nim-shabi bhi hai sansanai hui

    dhuan dhuan se manazir hain shabnamistan ke

    sayyara raat ki zulfen hain rasmasai hui

    ye rang taron bhari raat ke tanaffus ka

    ki bu-e-dard mein har sans hai basai hui

    KHunuk udas fazaon ki aankhon mein aansu

    tere firaq ki ye Tis hai uThai hui

    sukut-e-nim-shabi gahra hota jata hai

    ragen hain sina-e-hasti ki tilmilai hui

    hai aaj saz-e-nawa-ha-e-KHun-chakan ai dost

    hayat teri judai ki choT khai hui

    meri in aankhon se ab nind parda karti hai

    jo tere panja-e-rangin ki thin jagai hui

    sarishk pale hue tere narm daman ke

    nashat tere tabassum se jagmagai hui

    laTak wo gesuon ki jaise pech-o-tab-e-kamand

    lachak bhawon ki wo jaise kaman jhukai hui

    sahar ka jaise tabassum damak wo mathe ki

    kiran suhag ki bindi ki lahlahai hui

    wo ankhDiyon ka fusun rup ki wo dewiyyat

    wo sina ruh-e-numu jis mein kanmanai hui

    wo sej sans ki KHushbu ko jis pe nind aae

    wo qad gulab ki ek shaKH lahlahai hui

    wo jhilmilate sitare tere pasine ke

    jabin-e-sham-e-jawani thi jagmagai hui

    ho jaise but-kada aazar ka bol uThne ko

    wo koi baat si goya labon tak aai hui

    wo dhaj wo dilbari wo kaam-rup aankhon ka

    sajal adaon mein wo ragni rachai hui

    ho KHwab-gah mein shoalon ki karwaTen dam-e-subh

    wo bhairwin teri bedariyon ki gai hui

    wo muskuraati hui lutf-e-did ki subhen

    teri nazar ki shuaon ki gudgudai hui

    lagi jo tere tasawwur ke narm shoalon se

    hayat-e-ishq se us aanch ki tipai hui

    hanuz waqt ke kanon mein chahchahahaT hai

    wo chap tere qadam ki suni-sunai hui

    hanuz sina-e-mazi mein jagmagahaT hai

    damakte rup ki dipawli jalai hui

    lahu mein Dubi umangon ki maut rok zara

    harim-e-dil mein chali aati hai DhiTai hui

    rahegi yaad jawan-bewgi mohabbat ki

    suhag raat ki wo chuDiyan baDhai hui

    ye meri pahli mohabbat na thi magar ai dost

    ubhar gai hain wo choTen dabi-dabai hui

    supurdagi o KHulus-e-nihan ke parde mein

    jo teri narm-nigahi ki thin biThai hui

    uTha chuka hun main pahle bhi hijr ke sadme

    wo sans dukhti hui aankh DabDabai hui

    ye hadsa hai ajab tujh ko pa ke kho dena

    ye saneha hai ghazab teri yaad aai hui

    ajib dard se koi pukarta hai tujhe

    gala rundha hua aawaz thar tharrai hui

    kahan hai aaj tu ai rang-o-nur ki dewi

    andheri hai meri duniya luTi-luTai hui

    pahunch sakegi bhi tujh tak meri nawa-e-firaq

    jo kaenat ke ashkon mein hai nahai hui

    Source:

    • Book: Gul-e-Naghma (Pg. 212)
    • Author:  Firaq Gorakhpuri
    • Publication: Maktaba Farogh-e-urdu Matia Mahal Jama Masjid Delhi (2006)
    • Edition: 2006
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Added to your favorites

    Removed from your favorites