junun-e-wafa

Jagan Nath Azad

junun-e-wafa

Jagan Nath Azad

MORE BYJagan Nath Azad

    vo ḳhaak bo.e the hālāt ne sharar jis meñ

    ab us meñ phuul tamannā ke khilne vaale haiñ

    hue the jin ke sabab chaak chaak sīna-e-dil

    vo chaak ab unhīñ hāthoñ se silne vaale haiñ

    jo dost uljhe the aapas meñ dushmanoñ tarah

    phir ek baar vo aapas meñ milne vaale haiñ

    dayār-e-rūs hamārā salām-e-jāñ ho qubūl

    ki rāh-e-shauq ko āsāñ banā diyā ne

    ye daur aaj to mojazoñ daur nahīñ

    magar vo mo.ajaza ham ko dikhā diyā ne

    ki jis se duur o qarīb ek nuur phail gayā

    charāġh-e-kushta ko aise jalā diyā ne

    ye tāshqand se paiġhām-e-dil-navāz aayā

    ki ibtilā zamāna guzar gayā yāro!

    bahut rahā jise da.avā-e-sāhil-e-āshūbī

    sunā ye hai ki vo dariyā utar gayā yāro!

    kuchh is tarah se kisī ne diyā lahū apnā

    ki arz-e-sharq chehra nikhar gayā yāro!

    vo ḳhaak jis pe mire rahnumā ne jaañ hai

    mirā salām usī dil-navāz ḳhaak ke naam

    navā-e-ḳhāma ho mansūb aaj se pyāro

    shahīd-e-amn rūdād-e-tābnāk ke naam

    mire junūn-e-vafā yahī payām hai aaj

    suḳhnavarān-o-adībān-e-hind-o-pāk ke naam

    wo KHak boe the haalat ne sharar jis mein

    ab us mein phul tamanna ke khilne wale hain

    hue the jin ke sabab chaak chaak sina-e-dil

    wo chaak ab unhin hathon se silne wale hain

    jo dost uljhe the aapas mein dushmanon ki tarah

    phir ek bar wo aapas mein milne wale hain

    dayar-e-rus hamara salam-e-jaan ho qubul

    ki rah-e-shauq ko aasan bana diya tu ne

    ye daur aaj ka to mojazon ka daur nahin

    magar wo moajaza hum ko dikha diya tu ne

    ki jis se dur o qarib ek nur phail gaya

    charagh-e-kushta ko aise jala diya tu ne

    ye tashqand se paigham-e-dil-nawaz aaya

    ki ibtila ka zamana guzar gaya yaro!

    bahut raha jise dawa-e-sahil-e-ashubi

    suna ye hai ki wo dariya utar gaya yaro!

    kuchh is tarah se kisi ne diya lahu apna

    ki arz-e-sharq ka chehra nikhar gaya yaro!

    wo KHak jis pe mere rahnuma ne jaan di hai

    mera salam usi dil-nawaz KHak ke nam

    nawa-e-KHama ho mansub aaj se pyaro

    shahid-e-amn ki rudad-e-tabnak ke nam

    mere junun-e-wafa ka yahi payam hai aaj

    suKHnawaran-o-adiban-e-hind-o-pak ke nam

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY