kaam aur nam

kuchh kaam karo kuchh kaam karo

duniyā meñ paidā naam karo

din bhar mehnat meñ shaad raho

jab raat paḌe ārām karo

anjām ḳhudā ke haath meñ hai

tum koshish sub.h-o-shām karo

taklīf se rāhat miltī hai

ye saudā lo vo daam karo

himmat se aage baḌh jaao

baḌh kar hāsil in.aam karo

hamdardī se ġham-ḳhvārī se

har shaḳhs ke dil ko raam karo

logoñ meñ tumhārī qadr baḌhe

bachcho koī aisā kaam karo

ta.alīm jahāñ meñ phailāo

is 'faiz' kā charchā aam karo

kuchh kaam karo kuchh kaam karo

duniya mein paida nam karo

din bhar mehnat mein shad raho

jab raat paDe aaram karo

anjam KHuda ke hath mein hai

tum koshish subh-o-sham karo

taklif se rahat milti hai

ye sauda lo wo dam karo

himmat se aage baDh jao

baDh kar hasil inam karo

hamdardi se gham-KHwari se

har shaKHs ke dil ko ram karo

logon mein tumhaari qadr baDhe

bachcho koi aisa kaam karo

talim jahan mein phailao

is 'faiz' ka charcha aam karo