aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

katik ka chand

Ibn e Insha

katik ka chand

Ibn e Insha

MORE BYIbn e Insha

    chāñd kab se hai sar-e-shāḳh-e-sanobar aTkā

    ghaas shabnam meñ sharābor hai shab hai aadhī

    baam suunā hai, kahāñ DhūñDeñ kisī chehrā

    (log samjheñge ki be-rabt haiñ bāteñ apnī)

    sher ugte haiñ dukhī zehn se koñpal koñpal

    kaun mausam hai ki bharpūr haiñ ġham beleñ

    duur pahuñche haiñ sarakte hue uude bādal

    chāñd tanhā hai (agar us balā.eñ le leñ?)

    dosto ajab haal hai, lenā baḌhnā

    chāñdnī raat hai kātik mahīna hogā

    mīr-e-maġhfūr ke ash.ār na paiham paḌhnā

    jiine vāloñ ko abhī aur bhī jiinā hogā

    chāñd ThiThkā hai sar-e-shāḳh-e-sanobar kab se

    kaun chāñd hai kis rut haiñ rāteñ logo

    dhund uḌne lagī bunñe lagī kyā kyā chehre

    achchhī lagtī haiñ divānoñ bāteñ logo

    bhīgtī raat meñ dubkā huā jhīñgar bolā

    kasmasātī kisī jhāḌī meñ se ḳhushbū lapkī

    koī kākul koī dāman, koī āñchal hogā

    ek duniyā thī magar ham se sameTī na ga.ī

    ye baḌā chāñd chamaktā huā chehra khole

    baiThā rahtā hai sar-e-bām-e-shabistāñ shab ko

    ham to is shahr meñ tanhā haiñ, hamīñ se bole

    kaun is husn ko dekhegā ye is se pūchho

    sone lagtī hai sar-e-shām ye saarī duniyā

    in ke hujroñ meñ na dar hai na darīcha koī

    in qismat meñ shab-e-māh ko ronā kaisā

    in ke siine meñ na hasrat na tamannā koī

    kis se is dard-e-judā.ī shikāyat kahiye

    yaañ to siine meñ niystāñ niystāñ hogā

    kis se is dil ke ujaḌne hikāyat kahiye

    sunñe vaalā bhī jo hairāñ nahīñ, hairāñ hogā

    aisī bātoñ se na kuchh baat banegī apnī

    suunī āñkhoñ meñ nirāshā ghulegā kājal

    ḳhālī sapnoñ se na auqāt banegī apnī

    ye shab-e-māh bhī kaT jā.egī be-kal be-kal

    meñ aatī hai ki kamre meñ bulā leñ is ko

    chāñd kab se hai sar-e-shāḳh-e-sanobar aTkā

    raat us ko bhī nigal jā.egī bolo bolo

    baam par aur na aa.egā kisī chehrā

    chand kab se hai sar-e-shaKH-e-sanobar aTka

    ghas shabnam mein sharabor hai shab hai aadhi

    baam suna hai, kahan DhunDen kisi ka chehra

    (log samjhenge ki be-rabt hain baaten apni)

    sher ugte hain dukhi zehn se konpal konpal

    kaun mausam hai ki bharpur hain gham ki belen

    dur pahunche hain sarakte hue ude baadal

    chand tanha hai (agar us ki balaen le len?)

    dosto ji ka ajab haal hai, lena baDhna

    chandni raat hai katik ka mahina hoga

    mir-e-maghfur ke ashaar na paiham paDhna

    jine walon ko abhi aur bhi jina hoga

    chand ThiThka hai sar-e-shaKH-e-sanobar kab se

    kaun sa chand hai kis rut ki hain raaten logo

    dhund uDne lagi bunne lagi kya kya chehre

    achchhi lagti hain diwanon ki si baaten logo

    bhigti raat mein dubka hua jhingar bola

    kasmasati kisi jhaDi mein se KHushbu lapki

    koi kakul koi daman, koi aanchal hoga

    ek duniya thi magar hum se sameTi na gai

    ye baDa chand chamakta hua chehra khole

    baiTha rahta hai sar-e-baam-e-shabistan shab ko

    hum to is shahr mein tanha hain, hamin se bole

    kaun is husn ko dekhega ye is se puchho

    sone lagti hai sar-e-sham ye sari duniya

    in ke hujron mein na dar hai na daricha koi

    in ki qismat mein shab-e-mah ko rona kaisa

    in ke sine mein na hasrat na tamanna koi

    kis se is dard-e-judai ki shikayat kahiye

    yan to sine mein niystan ka niystan hoga

    kis se is dil ke ujaDne ki hikayat kahiye

    sunne wala bhi jo hairan nahin, hairan hoga

    aisi baaton se na kuchh baat banegi apni

    suni aankhon mein nirasha ka ghulega kajal

    KHali sapnon se na auqat banegi apni

    ye shab-e-mah bhi kaT jaegi be-kal be-kal

    ji mein aati hai ki kamre mein bula len is ko

    chand kab se hai sar-e-shaKH-e-sanobar aTka

    raat us ko bhi nigal jaegi bolo bolo

    baam par aur na aaega kisi ka chehra

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now