kachhwa aur KHargosh

Ismail Merathi

kachhwa aur KHargosh

Ismail Merathi

MORE BYIsmail Merathi

    ek kachhve ke aa ga.ī meñ

    kījiye sair o gasht ḳhushkī

    rahā thā chalā huā ḳhāmosh

    us se nāhaq ulajh paḌā ḳhargosh

    miyāñ kachhve! tumhārī chaal hai ye

    koī shāmat aur vabāl hai ye

    yuuñ qadam phūñk phūñk dharte ho

    goyā uttū zamīñ pe dharte ho

    kyuuñ hue chal ke muft meñ bad-nām

    be-chale kyā aTak rahā thā kaam

    tum ko ye hausla na karnā thā

    chullū paanī meñ Duub marnā thā

    ye tan-o-tosh aur ye raftār

    aisī raftār par ḳhudā maar

    bolā kachhvā ki hoñ ḳhafā na huzūr

    maiñ to huuñ aap mo'tarif ba-qusūr

    agar āhistagī hai jurm-o-gunāh

    to maiñ ḳhud apne jurm huuñ gavāh

    mujh ko jo saḳht sust farmāyā

    aap ne sab durust farmāyā

    mujh ko ġhāfil magar na jāniyegā

    banda-parvar burā na māniyegā

    yuuñ zabānī javāb to kyā duuñ

    shart bad kar chalo to dikhlā duuñ

    tum to ho āftāb meñ zarra

    par miTā dūñgā aap ġhurra

    sun ke ḳhargosh ne ye talḳh javāb

    kahā kachhve se yuuñ zi-rū-e-itāb

    kare merī ham-sarī ḳhayāl

    terī ye taab ye sakat ye majāl

    chyūñTī ke jo par nikal aa.e

    to yaqīñ hai ki ab ajal aa.e

    are bebāk! bad-zabāñ muñh-phaT

    ne dekhī kahāñ hai dauḌ jhapaT

    jab maiñ tezī se jast kartā huuñ

    shahsavāroñ ko past kartā huuñ

    gard ko merī bād-e-pā na lage

    laakh dauḌe mirā pata na lage

    rail huuñ barq huuñ chhalāvā huuñ

    maiñ chhalāve balki baavā huuñ

    terī merī nibhegī sohbat kyā

    āsmāñ ko zamīñ se nisbat kyā

    jis ne bhugte hoñ turkī o taazī

    aaise mariyal se kyā bade baazī

    baat ko ab ziyāda kyā duuñ tuul

    ḳhair kartā huuñ terī shart qubūl

    hai munāsib ki imtihāñ ho jaa.e

    taaki aib o hunar ayaañ ho jaa.e

    al-ġharaz ik maqām Thahrā kar

    hue donoñ harīf garm-e-safar

    bas-ki zoroñ pe thā chaḌhā ḳhargosh

    tezī phurtī se yuuñ baḌhā ḳhargosh

    jis tarah jaa.e top golā

    gire āsamān se olā

    ek do khet chaukḌī bhar ke

    apnī chustī pe āfrīñ kar ke

    kisī goshe meñ so gayā kar

    fikr ''kyā hai chaleñge sustā kar''

    aur kachhvā ġharīb āhista

    chalā siine ko ḳhaak par ghistā

    suuī ghanTe jaise chaltī hai

    ba-tadrīj chhāñv Dhaltī hai

    yūñhī chaltā rahā ba-istiqlāl

    na kiyā kuchh idhar udhar ḳhayāl

    kaam kartā rahā jo pai-dar-pai

    kar gayā rafta rafta manzil tai

    haif ḳhargosh rah gayā sotā

    samra ġhaflat aur kyā hotā

    jab khulī aañkh to saverā thā

    saḳht sharmindagī ne gherā thā

    sabr o mohabbat meñ hai sar-afrāzī

    sust kachhve ne jiit baazī

    nahīñ qissa ye dil-lagī ke liye

    balki ibrat hai aadmī ke liye

    hai suḳhan is hijāb meñ rū-posh

    varna kachhvā kahāñ kahāñ ḳhargosh

    ek kachhwe ke aa gai ji mein

    kijiye sair o gasht KHushki ki

    ja raha tha chala hua KHamosh

    us se nahaq ulajh paDa KHargosh

    miyan kachhwe! tumhaari chaal hai ye

    ya koi shamat aur wabaal hai ye

    yun qadam phunk phunk dharte ho

    goya uttu zamin pe dharte ho

    kyun hue chal ke muft mein bad-nam

    be-chale kya aTak raha tha kaam

    tum ko ye hausla na karna tha

    chullu pani mein Dub marna tha

    ye tan-o-tosh aur ye raftar

    aisi raftar par KHuda ki mar

    bola kachhwa ki hon KHafa na huzur

    main to hun aap mo'tarif ba-qusur

    agar aahistagi hai jurm-o-gunah

    to main KHud apne jurm ka hun gawah

    mujh ko jo saKHt sust farmaya

    aap ne sab durust farmaya

    mujh ko ghafil magar na jaaniyega

    banda-parwar bura na maniyega

    yun zabani jawab to kya dun

    shart bad kar chalo to dikhla dun

    tum to ho aaftab mein zarra

    par miTa dunga aap ka ghurra

    sun ke KHargosh ne ye talKH jawab

    kaha kachhwe se yun zi-ru-e-itab

    tu kare meri ham-sari ka KHayal

    teri ye tab ye sakat ye majal

    chyunTi ke jo par nikal aae

    to yaqin hai ki ab ajal aae

    are bebak! bad-zaban munh-phaT

    tu ne dekhi kahan hai dauD jhapaT

    jab main tezi se jast karta hun

    shahsawaron ko past karta hun

    gard ko meri baad-e-pa na lage

    lakh dauDe mera pata na lage

    rail hun barq hun chhalawa hun

    main chhalawe ka balki bawa hun

    teri meri nibhegi sohbat kya

    aasman ko zamin se nisbat kya

    jis ne bhugte hon turki o tazi

    aaise mariyal se kya bade bazi

    baat ko ab ziyaada kya dun tul

    KHair karta hun teri shart qubul

    hai munasib ki imtihan ho jae

    taki aib o hunar ayan ho jae

    al-gharaz ek maqam Thahra kar

    hue donon harif garm-e-safar

    bas-ki zoron pe tha chaDha KHargosh

    tezi phurti se yun baDha KHargosh

    jis tarah jae top ka gola

    ya gire aasaman se ola

    ek do khet chaukDi bhar ke

    apni chusti pe aafrin kar ke

    kisi goshe mein so gaya ja kar

    fikr kya hai chalenge susta kar

    aur kachhwa gharib aahista

    chala sine ko KHak par ghista

    sui ghanTe ki jaise chalti hai

    ya ba-tadrij chhanw Dhalti hai

    yunhi chalta raha ba-istiqlal

    na kiya kuchh idhar udhar ka KHayal

    kaam karta raha jo pai-dar-pai

    kar gaya rafta rafta manzil tai

    haif KHargosh rah gaya sota

    samra ghaflat ka aur kya hota

    jab khuli aankh to sawera tha

    saKHt sharmindagi ne ghera tha

    sabr o mohabbat mein hai sar-afraazi

    sust kachhwe ne jit li bazi

    nahin qissa ye dil-lagi ke liye

    balki ibrat hai aadmi ke liye

    hai suKHan is hijab mein ru-posh

    warna kachhwa kahan kahan KHargosh

    Source :
    • Book : kachhua aur khargosh (Pg. 17)
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 2-3-4 December 2022 - Major Dhyan Chand National Stadium, Near India Gate, New Delhi

    GET YOUR FREE PASS
    Speak Now