kahan hai aa ja

Shakeel Badayuni

kahan hai aa ja

Shakeel Badayuni

MORE BYShakeel Badayuni

    rāhat-e-banda-e-be-dām kahāñ hai aa

    paikar-e-husn sar-e-bām kahāñ hai aa

    raunaq-e-bazm hai o jaam kahāñ hai aa

    zīnat-e-jalva-gah-e-ām kahāñ hai aa

    ai umīd-e-dil-e-nā-kām kahāñ hai aa

    terī furqat ḳhalal-andāz-e-sukūn-e-paiham

    terī furqat dil-e-māyūs pe ik turfa sitam

    terī furqat sabab-e-kāvish-o-bedārī-e-ġham

    nahīñ hai to phir ārām kahāñ hai aa

    shāhid-e-aur-e-siyah-baḳht o shab-e-tār huuñ maiñ

    ḳhūgar-e-nāla-e-lazzat-kash-e-āvāz huuñ maiñ

    dām-e-tūfān-e-havādis meñ giraftār huuñ maiñ

    roz-o-shab muntazir-e-dīd-e-ruḳh-e-yār huuñ maiñ

    dil hai vaqf-e-ġham-e-ālām kahāñ hai aa

    sho.ala-e-bar-kaf-e-gul dāġh-e-jigar tere baġhair

    ḳhār-bardosh hai dāmān-e-nazar tere baġhair

    ḳhūñ-fishāñ hai shab-e-ġham dīda-e-tar tere baġhair

    chalan aatā nahīñ shām-o-sahar tere baġhair

    muntazir huuñ sahar-o-shām kahāñ hai aa

    daur-e-tārīkī-e-ġham se shab-e-tanhā.ī se

    dam-ba-dam josh-e-junūñ sitam-ārā.ī se

    ka.aba-o-dair-o-kalīsā jabīñ-sā.ī se

    ḳhauf-e-majbūrī-o-nākāmī-o-rusvā.ī se

    ishq hai larza-bar-andām kahāñ hai aa

    muntashir hone lagī anjuman-e-nāz-e-hayāt

    ban gayā ḳhvāb har ik manzar-e-āġhāz-e-hayāt

    dam-shikasta nazar aane lagā sāz-e-hayāt

    ab koī dam meñ huā jaatā hai rāz-e-hayāt

    aa gayā naza.a hañgām kahāñ hai aa

    rahat-e-banda-e-be-dam kahan hai aa ja

    paikar-e-husn sar-e-baam kahan hai aa ja

    raunaq-e-bazm hai o jam kahan hai aa ja

    zinat-e-jalwa-gah-e-am kahan hai aa ja

    ai umid-e-dil-e-na-kaam kahan hai aa ja

    teri furqat KHalal-andaz-e-sukun-e-paiham

    teri furqat dil-e-mayus pe ek turfa sitam

    teri furqat sabab-e-kawish-o-bedari-e-gham

    tu nahin hai to phir aaram kahan hai aa ja

    shahid-e-aur-e-siyah-baKHt o shab-e-tar hun main

    KHugar-e-nala-e-lazzat-kash-e-awaz hun main

    dam-e-tufan-e-hawadis mein giraftar hun main

    roz-o-shab muntazir-e-did-e-ruKH-e-yar hun main

    dil hai waqf-e-gham-e-alam kahan hai aa ja

    shoala-e-bar-kaf-e-gul dagh-e-jigar tere baghair

    KHar-bardosh hai daman-e-nazar tere baghair

    KHun-fishan hai shab-e-gham dida-e-tar tere baghair

    chalan aata hi nahin sham-o-sahar tere baghair

    muntazir hun sahar-o-sham kahan hai aa ja

    daur-e-tariki-e-gham se shab-e-tanhai se

    dam-ba-dam josh-e-junun ki sitam-arai se

    kaba-o-dair-o-kalisa ki jabin-sai se

    KHauf-e-majburi-o-nakaami-o-ruswai se

    ishq hai larza-bar-andam kahan hai aa ja

    muntashir hone lagi anjuman-e-naz-e-hayat

    ban gaya KHwab har ek manzar-e-aghaz-e-hayat

    dam-shikasta sa nazar aane laga saz-e-hayat

    ab koi dam mein hua jata hai wa raaz-e-hayat

    aa gaya naza ka hangam kahan hai aa ja

    Source :
    • Book : Kulliyat Shakeel (Pg. 327)
    • Publication : Fareed Book Depot Pvt. Ltd.
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY