kahani oDh li maine

zamāna chāhtā hai har-ghaḌī bas nit-na.ī bāteñ

na.e din aur na.ī shāmeñ na.ī sub.heñ na.ī rāteñ

na.ī qasmeñ na.e va.ade na.e rishte na.e naate

purāne jo bhī qisse the vo ab us ko nahīñ bhāte

maiñ ḳhud lafzoñ kī misroñ kī baham takrār se jānāñ

bahut uktā ga.ī thī ab

to maiñ ne yuuñ kiyā lafzoñ ko misroñ ko

lapeTā surḳh kāġhaz meñ

phir un ko man meñ raqsāñ aag dikhlā dī

havā meñ raakh ke uḌte hue zarroñ ne jab pūchhā

karegī kyā

sunegī kyā kahegī kyā

tirā dāman to ḳhālī hai

kahā maiñ ne

mujhe ab kuchh nahīñ karnā

mujhe ab kuchh nahīñ sunñā mujhe ab kuchh nahīñ kahnā

kahānī oḌh lī maiñ ne

zamana chahta hai har-ghaDi bas nit-nai baaten

nae din aur nai shamen nai subhen nai raaten

nai qasmen nae wade nae rishte nae nate

purane jo bhi qisse the wo ab us ko nahin bhate

main KHud lafzon ki misron ki baham takrar se jaanan

bahut ukta gai thi ab

to main ne yun kiya lafzon ko misron ko

lapeTa surKH kaghaz mein

phir un ko man mein raqsan aag dikhla di

hawa mein rakh ke uDte hue zarron ne jab puchha

karegi kya

sunegi kya kahegi kya

tera daman to KHali hai

kaha main ne

mujhe ab kuchh nahin karna

mujhe ab kuchh nahin sunna mujhe ab kuchh nahin kahna

kahani oDh li main ne