kahin TuTte hain

bahut duur tak

ye jo vīrān sī rahguzar hai

jahāñ dhuul uḌtī hai

sadiyoñ kī be-e'tinā.ī meñ

kho.e hue

qāfiloñ kī sadā.eñ bhaTaktī huī

phir rahī haiñ, daraḳhtoñ meñ

aañsū meñ

sahrāoñ kī ḳhāmushī hai

udhaḌte hue ḳhvāb haiñ

aur uḌte hue ḳhushk patte

kahīñ Thokareñ haiñ

sadā.eñ haiñ

afsūñ hai samtoñ kā

hadd-e-nazar tak

ye tārīk sā jo kura hai

ufuq-tā-ufuq jo ghanerī ridā hai

jahāñ aañkh meñ tairte haiñ zamāne

ki ham Dūbte haiñ

to is meñ

ta.alluq hii, vo raushnī hai

jo insāñ ko jiine kā rasta dikhātī hai

kandhoñ pe

hāthoñ kā lams-e-gurezāñ haiñ

hone kā mafhūm hai ġhāliban

vagarna vahī raat hai chār-sū

jis meñ ham tum bhaTakte haiñ

aur laḌkhaḌāte haiñ, girte haiñ

aur āsmāñ, haath apne baḌhā kar

kahīñ Taañk detā hai ham ko

kahīñ phir chamakte, kahīñ TūTte haiñ

bahut dur tak

ye jo viran si rahguzar hai

jahan dhul uDti hai

sadiyon ki be-e'tinai mein

khoe hue

qafilon ki sadaen bhaTakti hui

phir rahi hain, daraKHton mein

aansu mein

sahraon ki KHamushi hai

udhaDte hue KHwab hain

aur uDte hue KHushk patte

kahin Thokaren hain

sadaen hain

afsun hai samton ka

hadd-e-nazar tak

ye tarik sa jo kura hai

ufuq-ta-ufuq jo ghaneri rida hai

jahan aankh mein tairte hain zamane

ki hum Dubte hain

to is mein

talluq hi, wo raushni hai

jo insan ko jine ka rasta dikhati hai

kandhon pe

hathon ka lams-e-gurezan hain

hone ka mafhum hai ghaaliban

wagarna wahi raat hai chaar-su

jis mein hum tum bhaTakte hain

aur laDkhaDate hain, girte hain

aur aasman, hath apne baDha kar

kahin Tank deta hai hum ko

kahin phir chamakte, kahin TuTte hain