kahkashan

hazrat-e-insāñ kī ḳhātir hī banī hai kahkashāñ

bachcho lākhoñ saal pahle se sajī hai kahkashāñ

kahkashā.eñ kitnī haiñ likhne se aajiz hai qalam

kahkashāoñ kī kabhī gintī nahīñ kar sakte ham

kahkashāoñ meñ nazar aa.e sitāroñ kā hujūm

sūrajoñ kī kahkashāoñ meñ machī rahtī hai dhuum

kahkashā.eñ do baḌī haiñ kar lo bachcho in ko yaad

dūdhiyā paTTī baḌī hai andromeda ke baad

dūdhiyā paTTī meñ ek million sitāre pāoge

andromeda meñ bhī lākhoñ nazāre pāoge

kahkashāñ ke fāsle lambe bahut haiñ jaan lo

nāpte haiñ in ko nuurī saal meñ bachcho suno

phailtī haiñ kahkashā.eñ rafta rafta har taraf

hai na.ī science meñ 'hāfiz' inheñ hāsil sharaf

hazrat-e-insan ki KHatir hi bani hai kahkashan

bachcho lakhon sal pahle se saji hai kahkashan

kahkashaen kitni hain likhne se aajiz hai qalam

kahkashaon ki kabhi ginti nahin kar sakte hum

kahkashaon mein nazar aae sitaron ka hujum

surajon ki kahkashaon mein machi rahti hai dhum

kahkashaen do baDi hain kar lo bachcho in ko yaad

dudhiya paTTi baDi hai andromeda ke baad

dudhiya paTTi mein ek million sitare paoge

andromeda mein bhi lakhon nazare paoge

kahkashan ke fasle lambe bahut hain jaan lo

napte hain in ko nuri sal mein bachcho suno

phailti hain kahkashaen rafta rafta har taraf

hai nai science mein 'hafiz' inhen hasil sharaf