charaghan

Kaifi Azmi

charaghan

Kaifi Azmi

MORE BY Kaifi Azmi

    ek do nahīñ chhabbīs diye

    ek ik kar ke jalā.e maiñ ne

    ek diyā naam āzādī ke

    us ne jalte hue hoñToñ se kahā

    chāhe jis mulk se gehūñ māñgo

    haath phailāne āzādī hai

    ik diyā naam ḳhush-hālī ke

    us ke jalte ye ma.alūm huā

    kitnī bad-halī hai

    peT ḳhālī hai mirā jeb mirī ḳhālī hai

    ik diyā naam yak-jehtī ke

    raushnī us jahāñ tak pahuñchī

    qaum ko laḌte jhagaḌte dekhā

    maañ ke āñchal meñ haiñ jitne paivand

    sab ko ik saath udhaḌte dekhā

    duur se biivī ne jhallā ke kahā

    tel mahñgā bhī hai miltā bhī nahīñ

    kyuuñ diye itne jalā rakkhe haiñ

    apne ghar meñ na jharoka na muñDer

    taaq sapnoñ ke sajā rakkhe haiñ

    aayā ġhusse ik aisā jhoñkā

    bujh ga.e saare diye

    haañ magar ek diyā naam hai jis ummīd

    jhilmilātā chalā jaatā hai

    ek do hi nahin chhabbis diye

    ek ek kar ke jalae main ne

    ek diya nam ka aazadi ke

    us ne jalte hue honTon se kaha

    chahe jis mulk se gehun mango

    hath phailane ki aazadi hai

    ek diya nam ka KHush-haali ke

    us ke jalte hi ye malum hua

    kitni bad-hali hai

    peT KHali hai mera jeb meri KHali hai

    ek diya nam ka yak-jehti ke

    raushni us ki jahan tak pahunchi

    qaum ko laDte jhagaDte dekha

    man ke aanchal mein hain jitne paiwand

    sab ko ek sath udhaDte dekha

    dur se biwi ne jhalla ke kaha

    tel mahnga bhi hai milta bhi nahin

    kyun diye itne jala rakkhe hain

    apne ghar mein na jharoka na munDer

    taq sapnon ke saja rakkhe hain

    aaya ghusse ka ek aisa jhonka

    bujh gae sare diye

    han magar ek diya nam hai jis ka ummid

    jhilmilata hi chala jata hai

    RECITATIONS

    Nomaan Shauque

    Nomaan Shauque

    Kaifi Azmi

    Kaifi Azmi

    Kaifi Azmi

    Kaifi Azmi

    Nomaan Shauque

    charaghan Nomaan Shauque

    Tagged Under

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY