kaisi uftad paDi

dekhte dekhte sab dhuñd meñ tahlīl hue

dasht kohsār falak aab nabātāt sabhī

buildingeñ chhoTī-baḌī duur talak phaile ghar

ikkā-dukkā jo kahīñ log nazar aate the

vo bhī mashġhūl the

be-rūh sī sar-garmī meñ

har koī nauha-kunāñ thā ki purānī sadiyāñ

būḌhī tahzīb ko dafnā ke abhī lauTī haiñ

aur ab DhūñDhtī haiñ

an-dekhe khañDar ko shāyad

kaisā gambhīr safar ḳhatm huā āḳhir-e-kār

kaisī uftād paḌī ahl-e-zamīñ aaj ke din

ham ki āġhāz the anjām kī tamsīl hue

dekhte dekhte ham dhuñd meñ tahlīl hue

dekhte dekhte sab dhund mein tahlil hue

dasht kohsar falak aab nabaatat sabhi

buildingen chhoTi-baDi dur talak phaile ghar

ikka-dukka jo kahin log nazar aate the

wo bhi mashghul the

be-ruh si sar-garmi mein

har koi nauha-kunan tha ki purani sadiyan

buDhi tahzib ko dafna ke abhi lauTi hain

aur ab DhunDhti hain

an-dekhe khanDar ko shayad

kaisa gambhir safar KHatm hua aaKHir-e-kar

kaisi uftad paDi ahl-e-zamin aaj ke din

hum ki aaghaz the anjam ki tamsil hue

dekhte dekhte hum dhund mein tahlil hue