kaj-rawi ka ishtihaar

maiñ to huuñ shā.er kī ruuh

shā.er kī ḳhāsiyyat

ek ḳhushbū ik tilism

aur mirā beTā ki hai shā.er kā jism

shā.iroñ kī ḳhaslatoñ kā aa.ina

kaj-ravī kā ishtihār

hai sameTe apne andar aib kī har ek qism

nā-samajh āvāra-o-bekār shaidā-e-qimār

āshnāoñ kā musāhib kam-ayār

harza-go bāda-gusār

kaash maiñ hotā sharābī aur kabābī aur vo nek-o-shi.ār

bā-safā be-aib sā merī tarah

log phir mujh ko samajhte shā.er-e-rañgīñ-ḳhayāl-o-bā-kamāl

aur mirā beTā bhī hotā ḳhush-ḳhisāl

dil na hotā pur-malāl

main to hun shaer ki ruh

shaer ki KHasiyyat

ek KHushbu ek tilism

aur mera beTa ki hai shaer ka jism

shairon ki KHaslaton ka aaina

kaj-rawi ka ishtihaar

hai sameTe apne andar aib ki har ek qism

na-samajh aawara-o-bekar shaida-e-qimar

aashnaon ka musahib kam-ayar

harza-go baada-gusar

kash main hota sharabi aur kababi aur wo nek-o-shiar

ba-safa be-aib sa meri tarah

log phir mujh ko samajhte shaer-e-rangin-KHayal-o-ba-kamal

aur mera beTa bhi hota KHush-KHisal

dil na hota pur-malal