kal kya hoga

kal kyā hogā

aañkh khulī to kal kyā hogā

ḳhvāb ko vāpas niiñd meñ rakh kar

niiñd ko chhoḌ ke bistar maiñ

jab bistar ko tum chhoḌoge

to duniyā hogī

sub.h kī duniyā

kaan azaañ se bharne vaalī

piir dharoge dhartī par to

arsh ko sar pe dharne vaalī

sar se arsh Dhalakte lamhe ghar aa.e to

darvāze par duniyā hogī

raat kī duniyā

aañkh meñ niiñd aur niiñd ko ḳhvāb se bhar saktī hai

is ma.amūl se haT kar duniyā aur amal kyā kar saktī hai

hairat hī uktā jaa.e to koī muamma hal kyā hogā

ḳhvāb meñ ab ke aañkh khulī to ġhaur se taknā

kal jab tum ne aañkh na kholī kal kyā hogā

kal kya hoga

aankh khuli to kal kya hoga

KHwab ko wapas nind mein rakh kar

nind ko chhoD ke bistar main

jab bistar ko tum chhoDoge

to duniya hogi

subh ki duniya

kan azan se bharne wali

pir dharoge dharti par to

arsh ko sar pe dharne wali

sar se arsh Dhalakte lamhe ghar aae to

darwaze par duniya hogi

raat ki duniya

aankh mein nind aur nind ko KHwab se bhar sakti hai

is mamul se haT kar duniya aur amal kya kar sakti hai

hairat hi ukta jae to koi muamma hal kya hoga

KHwab mein ab ke aankh khuli to ghaur se takna

kal jab tum ne aankh na kholi kal kya hoga