kal se aaj tak

magar vo sab kuchh bhulā chukī hai

ki jis ke hamrāh biitā bachpan

ki jis ke hamrāh thī javānī

umañgeñ parvān chaḌh rahī thiiñ

vo be-ḳhabar roz-o-shab kī yādeñ

kabhī kabhī chhoTī moTī bātoñ pe ruuTh jaanā

na baat karnā na saath rahnā

jo maiñ manā.ūñ to vo na maane

vo pyaar kyā thā ḳhudā hī jaane

magar vo sab kuchh bhulā chukī hai

ki jis ke hamrāh biitā bachpan

ki jis ke hamrāh thī javānī

jo hosh aayā

to us ne ik saath marne-jīne kī khā.īñ qasmeñ

magar vo sab kuchh bhulā chukī hai

ki jis kī zulfoñ meñ zindagī kī tamām qadreñ ulajh ga.ī thiiñ

ki jis ke māthe kī surḳh biñdī mirā nasība jagā rahī thī

ki jis kī nazroñ se maiñ ne yaksāniyat kī mai pī

ki jis ke nāzuk laboñ pe mere liye tabassum kī raushnī thī

ki jis kī sāñsoñ meñ mere sañgīt kī sadā thī

ki jis ke siine kī dhaḌkanoñ meñ mire liye ek zalzala thā

ki jis kī guftār-e-narm-o-nāzuk ne zahr-e-shīrīñ pilā.e mujh ko

ki jis ke zaanū pe merā sar thā

magar vo sab kuchh bhulā chukī hai

ki jis ke hamrāh biitā bachpan

ki jis ke hamrāh thī javānī

ki jis ne ik raah par hī gyārah baras guzāre the saath mere

vo raah jis par mohabbateñ thiiñ masarrateñ thiiñ

musībateñ thiiñ

magar vo zālim

ki jis ne apnī ḳhushī ke aage

na ḳhud ko samjhā na mujh ko jaanā

tilism-e-husn-o-yaqīn TuuTā

to vo nahīñ thī

jo ham-safar thī

maiñ apnī manzil meñ apne raste pe ab akelā hī jā rahā huuñ

magar wo sab kuchh bhula chuki hai

ki jis ke hamrah bita bachpan

ki jis ke hamrah thi jawani

umangen parwan chaDh rahi thin

wo be-KHabar roz-o-shab ki yaaden

kabhi kabhi chhoTi moTi baaton pe ruTh jaana

na baat karna na sath rahna

jo main manaun to wo na mane

wo pyar kya tha KHuda hi jaane

magar wo sab kuchh bhula chuki hai

ki jis ke hamrah bita bachpan

ki jis ke hamrah thi jawani

jo hosh aaya

to us ne ek sath marne-jine ki khain qasmen

magar wo sab kuchh bhula chuki hai

ki jis ki zulfon mein zindagi ki tamam qadren ulajh gai thin

ki jis ke mathe ki surKH bindi mera nasiba jaga rahi thi

ki jis ki nazron se main ne yaksaniyat ki mai pi

ki jis ke nazuk labon pe mere liye tabassum ki raushni thi

ki jis ki sanson mein mere sangit ki sada thi

ki jis ke sine ki dhaDkanon mein mere liye ek zalzala tha

ki jis ki guftar-e-narm-o-nazuk ne zahr-e-shirin pilae mujh ko

ki jis ke zanu pe mera sar tha

magar wo sab kuchh bhula chuki hai

ki jis ke hamrah bita bachpan

ki jis ke hamrah thi jawani

ki jis ne ek rah par hi gyarah baras guzare the sath mere

wo rah jis par mohabbaten thin masarraten thin

musibaten thin

magar wo zalim

ki jis ne apni KHushi ke aage

na KHud ko samjha na mujh ko jaana

tilism-e-husn-o-yaqin TuTa

to wo nahin thi

jo ham-safar thi

main apni manzil mein apne raste pe ab akela hi ja raha hun