kam ilmi ek saza hai

kānoñ meñ nuqra.ī bāliyāñ pahne

kandhoñ

bāzuoñ

hāthoñ

aur gardan pe ajīb-o-ġharīb tattōs khudvā.e

branded kapḌoñ

jūtoñ se sajā

qīmtī perfumes se mahaktā

khisyānī hañsī hañstā

bechainī se sar khujātā

ghabrāhaT meñ Tāñgeñ hilātā

paañv paTaḳhtā

body builder jaisā

lambā-taḌañgā mexican

nā jānñe ke ḳhauf se adh-muā

ain mere sāmne

bebas baiThā huā

har thoḌī der ke baa'd

mama-miyā

ufffff

sainītā mariyā

ke na.are lagātā mujhe kahtā hai

teacher 'samīna'

tum ek pāgal aurat ho

aur mujhe bhī pāgal kar dogī

sab kuchh hone ke bāvajūd

english zabān kā na aanā

use ik shadīd ḳhauf meñ mubtalā kiye hue hai

maiñ use dekh kar narmī se muskurātī huuñ

mujhe mālūm hai

abhī chand hī dinoñ meñ

ye ḳhaufzada āñkheñ

āgahī kā nuur sameTe

muskurāne lageñgī

kanon mein nuqrai baaliyan pahne

kandhon

bazuon

hathon

aur gardan pe ajib-o-gharib tattoos khudwae

branded kapDon

juton se saja

qimti perfumes se mahakta

khisyani hansi hansta

bechaini se sar khujata

ghabrahaT mein Tangen hilata

panw paTaKHta

body builder jaisa

lamba-taDanga mexican

na jaanne ke KHauf se adh-mua

ain mere samne

bebas baiTha hua

har thoDi der ke ba'd

mama-miya

ufffff

sainita mariya

ke nare lagata mujhe kahta hai

teacher 'samina'

tum ek pagal aurat ho

aur mujhe bhi pagal kar dogi

sab kuchh hone ke bawajud

english zaban ka na aana

use ek shadid KHauf mein mubtala kiye hue hai

main use dekh kar narmi se muskuraati hun

mujhe malum hai

abhi chand hi dinon mein

ye KHaufzada aankhen

aagahi ka nur sameTe

muskurane lagengi