karb-e-nigah

nauha-garāñ kahāñ ga.e

ashk-fishāñ kahāñ ga.e

koī batā.e vo mire

mātam-kunāñ kahāñ haiñ ga.e

vo jo lahū lahū hue mere fishār-e-ḳhūn par

vo jo qadam qadam chale merī rah-e-junūn par

vo ki jinhoñ ne lā'nateñ bhejīñ sadā yazīd par

vo ki jinheñ husain kī ik ik adā pe naaz thā

haq kī sadā pe naaz thā āl-e-'abā pe naaz thā

koī batā.e vo mire

tishna-labāñ kahāñ ga.e

nauha-garāñ kahāñ ga.e

ashk-fishāñ kahāñ ga.e

suunā paḌā hai dasht-e-jāñ

mātam-kunāñ kahāñ ga.e

nauha-garan kahan gae

ashk-fishan kahan gae

koi batae wo mere

matam-kunan kahan hain gae

wo jo lahu lahu hue mere fishaar-e-KHun par

wo jo qadam qadam chale meri rah-e-junun par

wo ki jinhon ne la'naten bhejin sada yazid par

wo ki jinhen husain ki ek ek ada pe naz tha

haq ki sada pe naz tha aal-e-'aba pe naz tha

koi batae wo mere

tishna-laban kahan gae

nauha-garan kahan gae

ashk-fishan kahan gae

suna paDa hai dasht-e-jaan

matam-kunan kahan gae