kashmir

āmājgah-e-nūr hai kohsār-e-himāla

hai ġhairat-e-sad-tūr ye bhārat kā shivāla

kohsār nahīñ tāj-e-vatan amn kā haala

sahbā-e-mohabbat kā chhalaktā huā pyāla

kashmīr himāla kā dhaḌaktā huā dil hai

is vaadī kā har phuul mahaktā huā dil hai

is vaadī kī tārīḳh uḳhuvvat kā fasāna

is vaadī kā har naġhma mohabbat kā tarāna

is vaadī kā har zarra ma.ānī kā ḳhazāna

is vaadī kī tahzīb ne dekhā hai zamāna

ye vādī-e-gul aaj bhī gulzār-e-iram hai

is vaadī kā har phuul bahāroñ kā sanam hai

aamajgah-e-nur hai kohsar-e-himala

hai ghairat-e-sad-tur ye bhaarat ka shiwala

kohsar nahin taj-e-watan amn ka haala

sahba-e-mohabbat ka chhalakta hua pyala

kashmir himala ka dhaDakta hua dil hai

is wadi ka har phul mahakta hua dil hai

is wadi ki tariKH uKHuwwat ka fasana

is wadi ka har naghma mohabbat ka tarana

is wadi ka har zarra maani ka KHazana

is wadi ki tahzib ne dekha hai zamana

ye wadi-e-gul aaj bhi gulzar-e-iram hai

is wadi ka har phul bahaaron ka sanam hai