kashmiri murghi

paapā mere kashmīr se aa.e

saath meñ ik murġhī bhī laa.e

nasl bhī is kī kashmīrī hai

ruup adā bhī kashmīrī hai

kitnī sundar kitnī pyārī

par haiñ is ke yā gul-kārī

qaus-o-quzah se rañg haiñ is ke

uude piile laal aur niile

anDe detī hai rozāna

ḳhuub hī khātī hai ye daana

sahn meñ din bhar ghūmtī hai ye

har shai achchhī chūmtī hai ye

paas hai kuuḌe ke jaatī

gandī chīzeñ bhī hai khātī

bablū jab bhī paas bulā.e

dauḌ ke fauran ye bhī aa.e

kaT kuuñ kaT kuuñ kartī hai ye

apnā raqs dikhātī hai ye

god meñ phir vo le letā hai

muñh meñ daanā de detā hai

chyūñTe kiiḌe kī dushman hai

chiḌiyā kavve kī dushman hai

choñch se maar bhagā detī hai

jiit kī phir ye sadā detī hai

yuuñ to bahādur aur jarī hai

lekin ik aadat ye burī hai

billī jab bhī aa jaatī hai

ye Darbe meñ ghus jaatī hai

papa mere kashmir se aae

sath mein ek murghi bhi lae

nasl bhi is ki kashmiri hai

rup ada bhi kashmiri hai

kitni sundar kitni pyari

par hain is ke ya gul-kari

qaus-o-quzah se rang hain is ke

ude pile lal aur nile

anDe deti hai rozana

KHub hi khati hai ye dana

sahn mein din bhar ghumti hai ye

har shai achchhi chumti hai ye

pas hai kuDe ke jati

gandi chizen bhi hai khati

bablu jab bhi pas bulae

dauD ke fauran ye bhi aae

kaT kun kaT kun karti hai ye

apna raqs dikhati hai ye

god mein phir wo le leta hai

munh mein dana de deta hai

chyunTe kiDe ki dushman hai

chiDiya kawwe ki dushman hai

chonch se mar bhaga deti hai

jit ki phir ye sada deti hai

yun to bahadur aur jari hai

lekin ek aadat ye buri hai

billi jab bhi aa jati hai

ye Darbe mein ghus jati hai