kasrat-e-aulad

Nashtar Amrohvi

kasrat-e-aulad

Nashtar Amrohvi

MORE BYNashtar Amrohvi

    kasrat-e-aulād se ham is qadar bezār haiñ

    ab to begam se alag rahne ko bhī tayyār haiñ

    ab ye aalam hai ki jas kamre meñ bhī Daalo nazar

    ghar ke har kone meñ haiñ bikhre ho.e laḳht-e-jigar

    apnī begam par hue shām-o-sahar ham yuuñ nisār

    posTaroñ shakl meñ rassī pe laTkā hai vo pyaar

    jis taraf bhī dekhiye aulād aulād hai

    ḳhāna-ābādī ke ba.ad ab ḳhāna-e-barbād hai

    sard aa.heñ dekh kar begam ko ham bharne lage

    muskurā kar dekhne se in ke ham Darne lage

    chiḌchiḌe kuchh is qadar ham ho rahe haiñ āj-kal

    rakh kai ḳhanjar darmiyāñ meñ so rahe haiñ āj-kal

    ḳhuun ke aañsū ham apne haal par rone lage

    pahle single ho rahe the ab double hone lage

    mujh ko ye Dar hai kabhī shaitān bahkāne lage

    ham miyāñ-bīvī qarīb aane se katrāne lage

    ham kisī taqrīb meñ hoñ kisī bārāt meñ

    log Dar jaate haiñ bachche dekh kar saath meñ

    dekh kar logoñ ġhussa kitne ghabrā.e the ham

    apne bachchoñ jagah un ke uThā laa.e the ham

    saas bhī ab to hameñ kuchh din ko bulvātī nahīñ

    aur begam bhī binā bulvā.e ḳhud jaatī nahīñ

    is daf.a phir jab vilādat huā thā silsila

    aa ga.e ā.ankhoñ meñ aañsū maiñ ne ro kar yuuñ kahā

    mere ghar meñ to bahut pahle se bhar-mār hai

    aur duniyā meñ aane kai liye tayyār hai

    Taal de apnī vilādat aur kuchh din ke liye

    ne ham se kaun se badle ye gin gin ke liye

    kyā kahūñ hālāt apne āj-kal aise nahīñ

    ab to marne ke liye bhī jeb meñ paise nahīñ

    koī bīmārī agar aa jaa.e to jaatī nahīñ

    ḳharch ke Dar se hameñ to maut bhī aatī nahīñ

    kasrat-e-aulad se hum is qadar bezar hain

    ab to begam se alag rahne ko bhi tayyar hain

    ab ye aalam hai ki jas kamre mein bhi Dalo nazar

    ghar ke har kone mein hain bikhre hoe laKHt-e-jigar

    apni begam par hue sham-o-sahar hum yun nisar

    posTaron ki shakl mein rassi pe laTka hai wo pyar

    jis taraf bhi dekhiye aulad hi aulad hai

    KHana-abaadi ke baad ab KHana-e-barbaad hai

    sard aahen dekh kar begam ko hum bharne lage

    muskura kar dekhne se in ke hum Darne lage

    chiDchiDe kuchh is qadar hum ho rahe hain aaj-kal

    rakh kai KHanjar darmiyan mein so rahe hain aaj-kal

    KHun ke aansu hum apne haal par rone lage

    pahle single ho rahe the ab double hone lage

    mujh ko ye Dar hai kabhi shaitan bahkane lage

    hum miyan-biwi qarib aane se katrane lage

    hum kisi taqrib mein hon ya kisi baraat mein

    log Dar jate hain bachche dekh kar hi sath mein

    dekh kar logon ka ghussa kitne ghabrae the hum

    apne bachchon ki jagah un ke uTha lae the hum

    sas bhi ab to hamein kuchh din ko bulwati nahin

    aur begam bhi bina bulwae KHud jati nahin

    is dafa phir jab wiladat ka hua tha silsila

    aa gae aaankhon mein aansu main ne ro kar yun kaha

    mere ghar mein to bahut pahle hi se bhar-mar hai

    aur tu duniya mein aane kai liye tayyar hai

    Tal de apni wiladat aur kuchh din ke liye

    tu ne hum se kaun se badle ye gin gin ke liye

    kya kahun haalat apne aaj-kal aise nahin

    ab to marne ke liye bhi jeb mein paise nahin

    koi bimari agar aa jae to jati nahin

    KHarch ke Dar se hamein to maut bhi aati nahin

    Source:

    • Book : Post Martum (Pg. 96)
    • Author : Nashtar Amrohvi
    • Publication : M.R. Publications (2012)
    • Edition : 2012
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY