aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

katba(3)

MORE BYKhalilur Rahman Azmi

    mirī qabr par ek katba to hai

    par mirā naam us par nahīñ hai

    mirā naam jo kuchh bhī likkhā gayā thā

    vo ab miT chukā hai

    ye katba safed aur saada hai

    magar ḳhālī ḳhālī ise dekh kar

    har ik aane vaalā ye kahtā hai kyā hai? ye kyuuñ hai?

    batāo koī shaḳhs aisā bhī hai

    mirā koī hamdard merā muāvin

    jo aa.e aur aa kar mire saada katbe pe apnā bhalā koī naam likh de

    aur koī us se pūchhe ki ai masḳhare!

    to zinda hai, maujūd hai

    phir tire naam qabr kaisī?

    kyā koī ye tirā khel hai?

    aur vo shaḳhs phir ye kahe:

    tum se matlab?

    ye mirī qabr hai, haañ mirī qabr hai

    maiñ isī qabr meñ dafn hūñ!!

    meri qabr par ek katba to hai

    par mera nam us par nahin hai

    mera nam jo kuchh bhi likkha gaya tha

    wo ab miT chuka hai

    ye katba safed aur sada sa hai

    magar KHali KHali ise dekh kar

    har ek aane wala ye kahta hai kya hai? ye kyun hai?

    batao koi shaKHs aisa bhi hai

    mera koi hamdard mera muawin

    jo aae aur aa kar mere sada katbe pe apna bhala sa koi nam likh de

    aur koi us se puchhe ki ai masKHare!

    tu to zinda hai, maujud hai

    phir tere nam ki qabr kaisi?

    kya koi ye tera khel hai?

    aur wo shaKHs phir ye kahe:

    tum se matlab?

    ye meri qabr hai, han meri qabr hai

    main isi qabr mein dafn hun!!

    Source:

    Zindagi Ae Zindagi (Pg. 79)

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now