kaun dekhega

Majeed Amjad

kaun dekhega

Majeed Amjad

MORE BY Majeed Amjad

    jo din kabhī nahīñ biitā vo din kab aa.egā

    inhī dinoñ meñ is ik din ko kaun dekhegā

    us ek din ko jo sūraj raakh meñ ġhaltāñ

    inhī dinoñ tahoñ meñ hai kaun dekhegā

    us ek din ko jo hai umr ke zavāl din

    inhīñ dinoñ meñ numū-yāb kaun dekhegā

    ye ek saañs jhameloñ-bharī jugoñ meñ rachī

    is apnī saañs meñ kaun apnā ant dekhegā

    is apnī miTTī meñ jo kuchh amiT hai miTTī hai

    jo din in āñkhoñ ne dekhā hai kaun dekhegā

    maiñ roz idhar se guzartā huuñ kaun dekhtā hai

    maiñ jab idhar se na guzrūñgā kaun dekhegā

    do-rūya sāhil-e-dīvār aur pas-e-dīvār

    ik ā.inoñ samundar hai kaun dekhegā

    hazār chehre ḳhud-ārā haiñ kaun jhāñkegā

    mire na hone honī ko kaun dekhegā

    taḌaḳh ke gard tah se agar kahīñ kuchh phuul

    khile bhii, koī to dekhegā kaun dekhegā

    jo din kabhi nahin bita wo din kab aaega

    inhi dinon mein is ek din ko kaun dekhega

    us ek din ko jo suraj ki rakh mein ghaltan

    inhi dinon ki tahon mein hai kaun dekhega

    us ek din ko jo hai umr ke zawal ka din

    inhin dinon mein numu-yab kaun dekhega

    ye ek sans jhamelon-bhari jugon mein rachi

    is apni sans mein kaun apna ant dekhega

    is apni miTTi mein jo kuchh amiT hai miTTi hai

    jo din in aankhon ne dekha hai kaun dekhega

    main roz idhar se guzarta hun kaun dekhta hai

    main jab idhar se na guzrunga kaun dekhega

    do-ruya sahil-e-diwar aur pas-e-diwar

    ek aainon ka samundar hai kaun dekhega

    hazar chehre KHud-ara hain kaun jhankega

    mere na hone ki honi ko kaun dekhega

    taDaKH ke gard ki tah se agar kahin kuchh phul

    khile bhi, koi to dekhega kaun dekhega

    RECITATIONS

    Nomaan Shauque

    Nomaan Shauque

    Nomaan Shauque

    kaun dekhega Nomaan Shauque

    Source:

    • Book: Kulliyaat-e-majiid Amjad (Pg. 454)
    • Author: Majiid Amjad
    • Publication: Farid Book Depot (p) Ltd. (2011)
    • Edition: 2011
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Added to your favorites

    Removed from your favorites