kaun hai in ka KHuda

piiTh meñ kūbaḌ liye paañv se lañgḌātā huā

bhiik dar-dar māñgtā phirtā apāhij sā gadā

bah rahe nāsūr jis ke chīthaḌoñ se tan ladā

kaun hai is kā masīhā kaun hai is kā ḳhudā

kam-sinī meñ gaal pichke ruḳh gul-e-pāmāl sā

ghar se be-ghar hai jo bachcha bhuuk se behāl sā

Dher meñ kuuḌe ke jo roTī ke TukḌe bīntā

kaun hai is kā masīhā kaun hai is kā ḳhudā

adh-khilī nāzuk kalī chehra hai jis kā zard sā

sharm se āñkheñ jhukī lahja sarāpā dard sā

jis ko paapī peT kī ḳhātir paḌā tan bechnā

kaun hai is kā masīhā kaun hai is kā ḳhudā

ādam-o-havvā kī to aulād ye lagte nahīñ

ye to us insān ke ham-jins ho sakte nahīñ

ho ga.e the jis pe jannat ke farishte bhī fidā

kaun hai in kā masīhā kaun hai in kā ḳhudā

ai mire maulā agar in kā bhī hai tū hī ḳhudā

is qadar kyoñ haal se mere hai haal in kā judā

bol ye kis ko pukāreñ kis ko āḳhir deñ sadā

kaun hai in kā masīhā kaun hai in kā ḳhudā

piTh mein kubaD liye panw se langData hua

bhik dar-dar mangta phirta apahij sa gada

bah rahe nasur jis ke chithaDon se tan lada

kaun hai is ka masiha kaun hai is ka KHuda

kam-sini mein gal pichke ruKH gul-e-pamal sa

ghar se be-ghar hai jo bachcha bhuk se behaal sa

Dher mein kuDe ke jo roTi ke TukDe binta

kaun hai is ka masiha kaun hai is ka KHuda

adh-khili nazuk kali chehra hai jis ka zard sa

sharm se aankhen jhuki lahja sarapa dard sa

jis ko papi peT ki KHatir paDa tan bechna

kaun hai is ka masiha kaun hai is ka KHuda

aadam-o-hawwa ki to aulad ye lagte nahin

ye to us insan ke ham-jins ho sakte nahin

ho gae the jis pe jannat ke farishte bhi fida

kaun hai in ka masiha kaun hai in ka KHuda

ai mere maula agar in ka bhi hai tu hi KHuda

is qadar kyon haal se mere hai haal in ka juda

bol ye kis ko pukaren kis ko aaKHir den sada

kaun hai in ka masiha kaun hai in ka KHuda