aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

kawwa aur koyal

Zafar Kamali

kawwa aur koyal

Zafar Kamali

MORE BYZafar Kamali

    kisī kavve ne ik koyal se pūchā

    batā bahnā ki hai ye mājrā kyā

    ġhazab hai ye ki ham donoñ haiñ kaale

    ḳhudā ke fazl se haiñ aql vaale

    magar duniyā kare kyuuñ pyaar tujh se

    raheñ chhoTe baḌe bezār mujh se

    tirā naam hai sab zabāñ par

    tirā jaadū to hai saare jahāñ par

    jo shā.er haiñ likheñ terā tarāna

    batā terā hai kyuuñ āshiq zamāna

    rahā kartī hai bachchoñ ke dil meñ

    magar ik maiñ ki chuhā jaise bil meñ

    jahāñ kar karūñ maiñ kaa.eñ kaa.eñ

    vahāñ se maar kar mujh ko bhagā.eñ

    nazar meñ tiir aur talvār ban kar

    khaTaktā huuñ diloñ meñ ḳhaar ban kar

    jise dekho use mujh se hai vahshat

    sabhī ko naam se mere hai nafrat

    kahā koyal ne kavve se ki bhaa.ī

    na kyuuñ terī samajh meñ baat aa.ī

    jise aatī na ho shīrīñ-bayānī

    kare kyā vo diloñ par hukmarānī

    haiñ sab us ke jo mīThe bol bole

    jo lab khol to ras kānoñ meñ ghole

    kahāñ maiñ bolne meñ chūktī huuñ

    magar jab boltī huuñ kūktī huuñ

    mirī āvāz meñ phūloñ narmī

    tirī āvāz meñ sho.aloñ garmī

    zabāñ se maiñ banī ā.ankhoñ taarā

    magar terī zabāñ ne tujh ko maarā

    jis din siikh legā ḳhush-kalāmī

    milegī har jagah tujh ko salāmī

    kisi kawwe ne ek koyal se pucha

    bata bahna ki hai ye majra kya

    ghazab hai ye ki hum donon hain kale

    KHuda ke fazl se hain aql wale

    magar duniya kare kyun pyar tujh se

    rahen chhoTe baDe bezar mujh se

    tera hi nam hai sab ki zaban par

    tera jadu to hai sare jahan par

    jo shaer hain likhen tera tarana

    bata tera hai kyun aashiq zamana

    raha karti hai tu bachchon ke dil mein

    magar ek main ki chuha jaise bil mein

    jahan ja kar karun main kaen kaen

    wahan se mar kar mujh ko bhagaen

    nazar mein tir aur talwar ban kar

    khaTakta hun dilon mein KHar ban kar

    jise dekho use mujh se hai wahshat

    sabhi ko nam se mere hai nafrat

    kaha koyal ne kawwe se ki bhai

    na kyun teri samajh mein baat aai

    jise aati na ho shirin-bayani

    kare kya wo dilon par hukmarani

    hain sab us ke jo miThe bol bole

    jo lab khol to ras kanon mein ghole

    kahan main bolne mein chukti hun

    magar jab bolti hun kukti hun

    meri aawaz mein phulon ki narmi

    teri aawaz mein shoalon ki garmi

    zaban se main bani aaankhon ka tara

    magar teri zaban ne tujh ko mara

    tu jis din sikh lega KHush-kalami

    milegi har jagah tujh ko salami

    Source:

    Bachchon Ka Bagh (Pg. 36)

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now