KHake

(sachche logoñ ke naam)

ajiib maañ ho

tum apne bachchoñ ko mārtī ho

to is ḳhatā par

ki vo hukūmat kī vahshatoñ ke ḳhilāf nikle

julūs ke saath jā rahe the

tum ab pareshān ho rahī ho

maiñ aane vaalī ghaḌī ke baare meñ sochtā huuñ

jab ek mausam ka.ī ka.ī saal tak rahegā

tum apne hāthoñ se mire shāne hilā hilā kar kahogī

bāhar nikal ke un kāfiroñ ko roko

jo apne jismoñ meñ andhā hījān bhar ke

saḌkoñ pe chīḳhte haiñ

rabb-e-mausam

july sar pe hai aur kohrā

hamāre jismoñ meñ

aur fasloñ ke roñgToñ meñ utar rahā hai

hameñ july meñ january kī fazā.eñ manzūr kis tarah hoñ

hamāre zehnoñ meñ

rut kī tabdīliyoñ ke ḳhāke bane hue haiñ

ab tum pareshān ho rahī ho

maiñ guzre vaqtoñ kī āhaTeñ sun rahā huuñ

jab maiñ ne ye kahā thā

ki bachche tum pe ga.e to ārām se raheñge

magar jo varse meñ merī socheñ mileñ

to vaada karo ye shikva nahīñ karogī

ki mere bachche

jinheñ ka.ī maah maiñ ne apnā lahū diyā thā

vo us lahū ko

ujaaḌ saḌkoñ ke muñh pe malne pe tul ga.e haiñ

(sachche logon ke nam)

ajib man ho

tum apne bachchon ko marti ho

to is KHata par

ki wo hukumat ki wahshaton ke KHilaf nikle

julus ke sath ja rahe the

tum ab pareshan ho rahi ho

main aane wali ghaDi ke bare mein sochta hun

jab ek mausam kai kai sal tak rahega

tum apne hathon se mere shane hila hila kar kahogi

bahar nikal ke un kafiron ko roko

jo apne jismon mein andha hijaan bhar ke

saDkon pe chiKHte hain

rabb-e-mausam

july sar pe hai aur kohra

hamare jismon mein

aur faslon ke rongTon mein utar raha hai

hamein july mein january ki fazaen manzur kis tarah hon

hamare zehnon mein

rut ki tabdiliyon ke KHake bane hue hain

ab tum pareshan ho rahi ho

main guzre waqton ki aahaTen sun raha hun

jab main ne ye kaha tha

ki bachche tum pe gae to aaram se rahenge

magar jo warse mein meri sochen milen

to wada karo ye shikwa nahin karogi

ki mere bachche

jinhen kai mah main ne apna lahu diya tha

wo us lahu ko

ujaD saDkon ke munh pe malne pe tul gae hain