Khaali hath sawali chehre

ham bhī haiñ is shahar ke baasī

jis ne lākhoñ hāthoñ meñ kashkol diyā hai

kal tak thā ye apnā aalam

raah meñ vā hāthoñ meñ jab tak

ik ik chavannī rakh nahīñ dete dil ko chain nahīñ aatā thā

ghar vaalī bhī ik do ḳhālī peT meñ daane pahuñchā kar hī ḳhud khāne meñ sukh paatī thī

aaj ye manzil aa pahuñchī hai

kal se ziyāda ḳhālī haath savālī chehre

dil meñ dard jagāte haiñ

dard ke maare jeb meñ jaatā haath magar ruk jaatā hai

haath chalā bhī jaa.e andar to chavannī chhup jaatī hai

ghar vaalī ko pakī huī hāñDī pe kabhī to jabr sā karnā paḌtā hai

kabhī to Dhakkan chhū te hī kuchh aisī vo Dar jaatī hai

jaise handī meñ kaale aur andhe mustaqbil kī nāgin chhup kar baiThī ho

hum bhi hain is shahar ke basi

jis ne lakhon hathon mein kashkol diya hai

kal tak tha ye apna aalam

rah mein wa hathon mein jab tak

ek ek chawanni rakh nahin dete dil ko chain nahin aata tha

ghar wali bhi ek do KHali peT mein dane pahuncha kar hi KHud khane mein sukh pati thi

aaj ye manzil aa pahunchi hai

kal se ziyaada KHali hath sawali chehre

dil mein dard jagate hain

dard ke mare jeb mein jata hath magar ruk jata hai

hath chala bhi jae andar to chawanni chhup jati hai

ghar wali ko paki hui hanDi pe kabhi to jabr sa karna paDta hai

kabhi to Dhakkan chhu te hi kuchh aisi wo Dar jati hai

jaise handi mein kale aur andhe mustaqbil ki nagin chhup kar baiThi ho