KHamoshi aawaz karegi

phir yuuñ hogā

zard laboñ par

jam jā.eñge lafz

ye sāñseñ

tham jā.eñgī

pathrā.ī āñkhoñ meñ koī ḳhvāb na hogā

aur mire be-jān badan ko

dhartī apnī god meñ chupke se rakh legī

maiñ na rahūñgā

sirf ḳhamoshī rah jā.egī

lekin mere giit havā.eñ yaad rakheñgī

mere qadmoñ kī aahaT

hoñToñ kī jumbish

lams in hāthoñ kā zarre mahsūs kareñge

Dhaltī shab meñ

phūloñ par jab shabnam kī būñdeñ Tapkeñgī

shāḳh-e-gul jhuk kar kaliyoñ kā bosa legī

pattoñ meñ sargoshī hogī

nāzuk ThanDī ghaas ko chhū kar

mast havā jab bahtī hogī

ḳhāmoshī āvāz karegī

phir yun hoga

zard labon par

jam jaenge lafz

ye sansen

tham jaengi

pathrai aankhon mein koi KHwab na hoga

aur mere be-jaan badan ko

dharti apni god mein chupke se rakh legi

main na rahunga

sirf KHamoshi rah jaegi

lekin mere git hawaen yaad rakhengi

mere qadmon ki aahaT

honTon ki jumbish

lams in hathon ka zarre mahsus karenge

Dhalti shab mein

phulon par jab shabnam ki bunden Tapkengi

shaKH-e-gul jhuk kar kaliyon ka bosa legi

patton mein sargoshi hogi

nazuk ThanDi ghas ko chhu kar

mast hawa jab bahti hogi

KHamoshi aawaz karegi