ye kis ne mire jism kī tārīḳh ulaT dii?
sāñsoñ kī zamīñ par,
ik khoī huī sā.at-e-mismār ke katbe!
raftār ke
guftār ke
iz.hār ke katbe!
be-ḳhvāb sitāroñ pe jiye jā rahā huuñ maiñ.
nā-paid samundar ko piye jā rahā huuñ maiñ
sadiyoñ ke ka.ī rañg jo tahlīl haiñ mujh meñ
jiddat kī darāḌoñ se Tapakte haiñ abhī tak
nā-paid samundar se chhalakte haiñ abhī tak
be-ḳhvāb sitāroñ meñ chamakte haiñ abhī tak
rūhoñ ke junūñ meñ,
mahdūd sukūñ meñ,
katbe ubhar aa.e haiñ mire ḳhuuñ kī taḌap se
mujh meñ mire ajdād bhaTakte haiñ abhī tak
ye kis ne mere jism ki tariKH ulaT di?
sanson ki zamin par,
ek khoi hui saat-e-mismar ke katbe!
raftar ke
guftar ke
izhaar ke katbe!
be-KHwab sitaron pe jiye ja raha hun main
na-paid samundar ko piye ja raha hun main
sadiyon ke kai rang jo tahlil hain mujh mein
jiddat ki daraDon se Tapakte hain abhi tak
na-paid samundar se chhalakte hain abhi tak
be-KHwab sitaron mein chamakte hain abhi tak
ruhon ke junun mein,
mahdud sukun mein,
katbe ubhar aae hain mere KHun ki taDap se
mujh mein mere ajdad bhaTakte hain abhi tak
Additional information available
Click on the INTERESTING button to view additional information associated with this sher.
rare Unpublished content
This ghazal contains ashaar not published in the public domain. These are marked by a red line on the left.